Barne-, likestillings- og inkluderingsdepartementet

Frå Wikipedia – det frie oppslagsverket
Gå til: navigering, søk
Statsikon.svg
Type Departement
Virkefelt Noreg
Skipa 22. desember 1989[1]
Statsråd Solveig Horne
Hovudkontor Akersgata 59, Oslo
Tilsette 186 (2014)[2]
Nettside bld.regjeringen.no
Denne boksen: vis  diskuter  endre
Inngangen til Barne- og likestillingsdepartementet m.fl. i Oslo
Foto: Alejandro Decap

Barne-, likestillings- og inkluderingsdepartementet er eit norsk departement som blei oppretta 1. januar 2006 frå Barne- og familiedepartementet. Ved regjeringsomdanninga 20. oktober 2009 blei det bestemt at også integrering skal leggjast under departementet med verknad frå 1. januar 2010. Departementet skiftar då namn til Barne-, likestillings- og integreringsdepartementet. Andre arbeidsområde er styrking av forbrukarrettar, trygg oppvekst og høve til deltaking og medbestemming i samfunnet for barn og unge, at familiar skal leve i tryggleik, både økonomisk og sosialt og at det skal bli full og verkeleg likestilling mellom kvinner og menn og for minoritetsgrupper. Det er Barne- og likestillingsdepartementet som løyver storbymidlar til dei 23 bykommunane som er peika ut.

Historie[endre | endre wikiteksten]

Barne- og likestillingsdepartementet blei oppretta 1. januar 2006 med oppgåver frå Barne- og familiedepartementet, som blei lagt ned samtidig. Namnet Barne- og familiedepartementet blei innført 1. januar 1991. Eitt år tidlegare blei Familie- og forbrukardepartementet oppretta ved kongeleg resolusjon av 22. desember 1989. Det nye departementet fekk overført saksområde frå det nedlagde Forbrukar- og administrasjonsdepartementet, Sosialdepartementet, Kommunal- og arbeidsdepartementet, Justisdepartementet, Miljøverndepartementet (SFT) og Kulturdepartementet.

Grunngjevinga for å opprette departementet var at ein ønskte å styrke innsatsen for barn og familiar. Arbeidsfelta skulle særleg vere likestilling, produktsikring, forbrukarvern og trygging av barn sine rettar.

Organisasjon[endre | endre wikiteksten]

Avdelingar[endre | endre wikiteksten]

Departementet har fire avdelingar:

  • Barne- og ungdomsavdelinga
  • Samlivs- og likestillingsavdelinga
  • Forbrukeravdelinga
  • Plan- og administrasjonsavdelinga

Underliggande etatar[endre | endre wikiteksten]

Politisk leiing[endre | endre wikiteksten]

Solveig Horne frå Framstegspartiet) tok over ministerposten i Barne-, likestillings- og inkluderingsdepartementet 16. oktober 2013. Øvrig politisk leiing er statssekretær Maria Hoff Aanes og politisk rådgjevar Ronny Røste.[3]

Kjelder[endre | endre wikiteksten]