Bassenthwaite Lake

Bassenthwaite Lake
View from Blackstock Point
Stad	Lake District
Koordinatar	54°39′N 3°13′W
Tilsig	Derwent Newlands Beck
Utsig	Derwent
Tilsigsområde	237 km²
Tilknytte land	Storbritannia
Største lengde	6,4 km
Største breidde	1,3 km
Overflateareal	5,1 km²
Største djupne	21 m
Kystlengd1	18,2 km
Høgd over havet	68 moh
Øyar	0
1 Kystlengd er eit unøyaktig mål som kanskje ikkje er standardisert for denne artikkelen.

Bassenthwaite Lake er ein av dei største innsjøane i Lake District i England. Han er lang og smal, om lag 6,4 km lang og 1,3 km brei, men særs grunn, på det djupaste berre 21 meter.

Han er den einaste innsjøen i Lake District som har ordet lake i namnet. Elva Derwent renn gjennom innsjøen. Innsjøen ligg ved foten av Skiddaw, nær byen Keswick.

Sørenden av Bassenthwaite Lake

Vegen A66 går om lag frå nord til sør langs vestsida av innsjøen. Møteplassane langs vegen er populære stoppestader for fotografar og fuglekikkarar som ser etter fiskeørn.

Opphav

Som dei andre innsjøane i Lake District har Bassenthwaite Lake oppstått i ein bredal etter den siste istida. Vatnet frå Bassenthwaite Lake renn vidare til Derwent Water via Derwent, som renn 4,5 km mellom dei to innsjøane.

Biologisk mangfald

Tilsigsområdet til innsjøen er eit av dei største i Lake District.

Innsjøen inneheld laks, aure, gjedde, åbor, ørekyte, gullbust, hork og ål, men den dominerande arten er mort, som ein trur vart sett ut i innsjøen. Her finst òg haustsik, som ein av berre to stader i England. Skarv er observert ved innsjøen, og ein kan òg sjå hegre. Sidan 2001 har fiskeørn hekka regelmessig ved innsjøen.

Kjelder

• Denne artikkelen bygger på «Bassenthwaite Lake» frå Wikipedia på engelsk, den 29. mars 2010.
  • Wikipedia på engelsk oppgav desse kjeldene:
• A Topographical Dictionary of England (1848)

Bakgrunnsstoff

• Bassenthewaite på VisitCumbria
• Bassenthwaite Restoration Project