Besòs

Besòs
Besòs i Sant Adrià de Besos.
Land i nedslagsfelt	Spania
Lengd	17,7 km
Middelvassføring	4,33 m³/s
Nedslagsfelt	1038,31 km²

Besòs er ei elv i Catalonia i Spania. Ho oppstår der elvane Mogent og Congost renn saman, og munnar ut i Middelhavet. Ho er nesten 18 km lang, men med sideelvane dekkjer nedslagsfeltet hennar likevel så mykje som 1038 km².

I nedslagsfeltet hennar ligg byane Aiguafreda, La Garriga, Les Franqueses, Canovelles, Granollers, Montmeló, Mollet del Vallès, Montcada i Reixac, Santa Coloma de Gramenet, Barcelona og Sant Adrià de Besòs. På grunn av middelhavsklimaet i området varierer vassføringa i elva sterkt.

Sideelvar

Besòs har fem store sideelvar:

• Mogent
• Congost
• Tenes
• Riera de Caldes
• Ripoll

Historie

Elva kan ikkje nyttast til skipsfart, men har likevel vorte nyta som ei lenkje mellom kysten og dei indre områda i Catalonia. På 900-talet vart Rec Comtal bygd for å nytte elva til vatning.

Elva renn gjennom eit sterkt industrialisert område nær Barcelona, og hadde den tvilsame æra å verte kalla den mest forureina elva i Europa i 1970- og 1980-åra. Sidan midten av 1990-åra har derimot elva vorte langt reinare.

Biletgalleri

• 

  Sant Adrià de Besos mot sjøen

• 

  Munningen

Kjelder

• Denne artikkelen bygger på «Besòs» frå Wikipedia på engelsk, den 29. april 2009.