Billy Burnette

Frå Wikipedia – det frie oppslagsverket
Billy Burnette
Fødd8. mai 1953 (70 år)
FødestadMemphis i Tennessee i USA
FødenamnDorsey William «Billy» Burnette III
OpphavUSA
Aktiv1960 til i dag
SjangerRock, pop, country og rockabilly
Instrumentgitar, bassgitar, vokal
Tilknytte artistarFleetwood Mac
PlateselskapChesky Records, Polydor Records
Verka somMusikar, låtskrivar

Dorsey William «Billy» Burnette III (fødd 8. mai 1953) er ein amerikansk gitarist, songar og låtskrivar som var ein del av bandet Fleetwood Mac frå 1987 til 1995. Burnette hadde òg ein kort skodespelarkarriere.

Biografi[endre | endre wikiteksten]

Sju år gammal, som Billy Beau, gjorde han den første innspelinga si med julesongen «Hey Daddy (I'm Gonna Tell Santa On You)» for Dot Records. Songen vart spelt inn med James Burton og bandet til Ricky Nelson, som faren arbeidde med. 11 år gammal spelte Burnette inn det første albumet sitt for A&M Records. To år seinare drog han på turné med Brenda Lee og lærte seg samstundes å spele gitar.

Tidleg i 1970-åra skreiv Burnette songar for plateprodusenten Chips Moman og brukte tre år som rytmegitarist i turnébandet til Roger Miller. I 1972 fekk Burnette kontrakt med Entrance Records og spelte inn det første soloalbumet sitt.

I 1980 gav Burnette ut det tredje soloalbumet sitt, med singelen «Don't Say No», som nådde 68. plassen på Billboard Hot 100 i USA. I 1981 kom det fjerde albumet hans ut, Gimme You. Det var på denne tida han møtte Mick Fleetwood frå Fleetwood Mac. Ei stund seinare inviterte Fleetwodd han med seg i det nye bandet sitt, The Zoo som gav ut albumet I'm Not Me i 1983. Han spelte sidan med fleire medlemmar frå Fleetwood Mack, før han i 1987 vart med i bandet då Lindsey Buckingham gav seg i bandet.

I 1985 fekk Eddy Raven («She's Gonna Win Your Heart») og Ray Charles («Do I Ever Cross Your Mind») begge hittar med Billy Burnette-songar. Andre artistar som har spelt inn songane hans er mellom andre Jerry Lee Lewis, The Everly Brothers, Gregg Allman, Loretta Lynn, Charlie Pride, Tanya Tucker og Ringo Starr. I 1987 skreiv han «All I Can Do Is Dream You» for Roy Orbison.

Diskografi[endre | endre wikiteksten]

Album[endre | endre wikiteksten]

  • Billy Burnette – Entrance Records (1972)
  • Billy Burnette – Polydor Records (1979)
  • Between Friends – Polydor Records (1979)
  • Billy Burnette – Columbia Records (1980)
  • Gimme You – Columbia Records (1981)
  • Try Me – Curb Records (1985)
  • Soldier Of Love – Curb Records (1986)
  • Brother To Brother – Curb Records (1988)
  • Coming Home – Capricorn Records (1993)
  • Bekka & Billy – Almo Sounds (1997) (med Bekka Bramlett)
  • All Night Long – Grand Avenue Records (1999)
  • Are You With Me Baby – Free Falls Entertainment (2000)
  • Memphis In Manhattan – Chesky Records (2006)
  • The Bluegrass Elvises, Volume 1 – American Roots (2007) (med Shawn Camp)
  • Rock & Roll With It - Rock & Roll With It Records (2011)

Med Fleetwood Mac:

Andre:

Singlar[endre | endre wikiteksten]

År Singel Plassering Album
US Country
[1]
US
1979 «What's a Little Love Between Friends» 76 Between Friends
1980 «Don't Say No» 68 Billy Burnette
1985 «Ain't It Just Like Love» 51 Try Me
«Try Me» 68
1986 «Soldier of Love» 54 Soldier of Love
1992 «Nothin' to Do (And All Night to Do It)» 64 N/A
1993 «Tangled Up in Texas» Coming Home
«The Bigger the Love (The Harder the Fall)»
«—» syner at singelen ikkje gjekk inn på lista

Filmar[endre | endre wikiteksten]

Kjelder[endre | endre wikiteksten]

  1. Whitburn, Joel (2013). Hot Country Songs 1944–2012. Record Research, Inc. s. 58. ISBN 978-0-89820-203-8. 

Bakgrunnsstoff[endre | endre wikiteksten]