Blåsjø

Blåsjø
Delar av Blåsjø fotografert frå Førrevassdammen sommaren 2010, sjøen hadde då lag vasstand
Stad	Bykle (Aust-Agder); Hjelmeland, Suldal (Rogaland)
Koordinatar	59°22′14″N 06°52′48″E
Overflateareal	84,48 km²
Vassvolum	3,1 km³
Kystlengd1	200,41 km
Høgd over havet	930–1055 moh.
1 Kystlengd er eit unøyaktig mål som kanskje ikkje er standardisert for denne artikkelen.

Blåsjø er ein regulert innsjø som ligg i kommunane Hjelmeland og Suldal i Rogaland, samt i Bykle i Aust-Agder. Med eit areal på 84,48 km² er han den niande største innsjøen i Noreg. Han fungerer som vassmagasin for Ulla-Førreverka med eit energipotensial på ca. 7,7 TWh. Rundt Blåsjø finn ein fleire av dei største dammane i Noreg: Oddatjørndammen, Storvassdammen og Førrevassdammen. Til saman demmer elleve dammar opp sjøen.

Til Blåsjø blir det overført vatn frå Skorpevadshølen, og Saurdal kraftverk kan både tappa og pumpa vatn frå og til Blåsjø. Pumpinga skjer frå Sandsavatnet. Andre kraftverk i Ulla-Førre-utbygginga er Kvilldal, Stølsdal og Hylen. Blåsjø blir regulert mellom 1055 og 930 moh., og er eit fleirårig magasin.

Målt i energiinnhald er Blåsjø det største kraftmagasinet i Noreg.

Kjelder

Blåsjø sett frå Snønuten