Bode Miller

Frå Wikipedia – det frie oppslagsverket
Bode Miller


Statsborgarskap USA
Fødd 12. oktober 1977 (46 år)
Easton
Idrett alpint
Tok del i

Vinter-OL 2006, Vinter-OL 1998, Alpint under Vinter-OL 2010 – Utfor menn, Alpint under Vinter-OL 2010 – Super-G menn, Alpint under Vinter-OL 2014 – Super-G menn, Alpint under Vinter-OL 2002 – Storslalåm menn, alpine skiing at the 2002 Winter Olympics – men's combined, Alpint under Vinter-OL 2010 – Kombinasjon menn

Utmerkingar

Skieur d’Or

Samuel Bode Miller (fødd 12. oktober 1977) er ein USA-amerikansk alpinist frå Franconia i New Hampshire som vann verdscupen i alpine greiner i 2005 og 2008. I åra frå 2002 til 2014 har han vunne 11 medaljar i ulike olympiske leikar og alpine verdsmeisterskap, av desse fire VM-gull og eitt OL-gull. Han er den mestvinnande alpinisten frå USA nokon gong. Miller er ein av eit fåtal alpinistar som har vunne verdscuprenn i alle fem greinene.

Aktiv[endre | endre wikiteksten]

Miller fekk sitt internasjonale gjennombrot i 2002-sesongen. Tidleg i desember 2001 vann han sine to fyrste renn i verdscupen, i to etterfylgjande dagar og i to ulike greiner og to ulike land (Frankrike og Italia). Han tok to sølvmedaljar under Vinter-OL 2002 i Salt Lake City; i høvesvis storslalåm og i kombinasjonen.

I sesongen etter OL-sesongen tok Miller andreplassen i verdscupen i alpine greiner, like bak austerrikaren Stephan Eberharter. Miller vart så den fremste utøvaren under alpint-VM 2003 i St. Moritz med sine to gullmedaljar i storslalåm og kombinasjon, og den eine sølvmedaljen i super-G.

Gjennom 2005-sesongen viste Miller seg som den beste alpinisten i verda. Sigeren i verdscupen vart krona med at Miller vart den andre alpinisten som vann minst eitt renn i kvar av dei fire standard-øvingane; slalåm, storslalåm, super-G og utfor, 16 år etter Marc Girardelli som representerte Luxembourg vart den fyrste som greidde det. Ved VM i alpine greiner 2005 vann Miller gullmedaljane i både super-G og utfor.

Miller vart utan medaljar i både Vinter-OL 2006 og VM i alpine greiner 2007. Han kom sterkt tilbake i 2008-sesongen og vann den alpine verdscupen for andre gong på fire sesongar. Frå desember 2001 til desember 2011 vann han 33 renn i verdscupen, den siste renntriumfen kom i utfor i Beaver Creek i heimlandet.

Under Vinter-OL 2010 i Vancouver vann Miller medaljar i alle tre valørar; gull i kombinasjonen, sølv i super-G og bronse i utfor. Han sikra seg si sjette OL-medalje då han kom på tredjeplassen i super-G-tevlinga i Sotsji-OL i 2014.

Kjelder[endre | endre wikiteksten]

  • Sportsboken, aktuelle årgangar