Boom Boom

Frå Wikipedia – det frie oppslagsverket
Gå til: navigering, søk
Denne artikkelen handlar om songen av John Lee Hooker. For songen av Emmy, sjå Boom Boom av Emmy.
Boom Boom
Singel av John Lee Hooker
frå albumet Burnin'
B-side «Drug Store Woman»
Utgjeve Mai 1962[1]
Innspelt Chicago
Seint 1961
Sjanger Blues
Lengd 2:29
Selskap Vee-Jay (Cat. nr. 438)
Låtskrivar(ar) John Lee Hooker

«Boom Boom» er ein bluessong skriven av John Lee Hooker og innspelt i 1961. Songen vart ein hit i USA i 1962 og i Storbritannia i 1992. Han er ein av dei mest kjende songane til Hooker og er spelt inn av mange andre artistar, mellom anna som ein pophit av The Animals i 1965.

Originalen[endre | endre wikiteksten]

«Boom Boom» er ein livleg takt-stopp song, i 4/4-takt og C-dur, som ikkje følgde det vanlege 12-takts bluesmønsteret.[2] I følgje Hooker skreiv hans ongen i Apex Bar i Detroit. Eg kom aldri tidsnok. Eg kom alltid for seint. Og Willa, bartenderen sa alltid, 'Boom boom—du er for sein igjen'. Kvar kveld: 'Boom, boom—du er for sein igjen'. Eg sa 'Hmm, det er ein song!'"[3]

Hooker hadde ein unik sans for timing, noko som kravde «storøyrde sidemenn».[4] Med seg hadde John Lee Hooker (vokal og gitar) medlemmar av Funk Brothers (Joe Hunter (piano), James Jamerson (bass) og Benny Benjamin (trommer)); plus Larry Veeder (gitar), Hank Cosby (tenorsaksofon), and Andrew "Mike" Terry (barytonsaksofon).

Songen vart ein hitt, og nådde 16. plass på Billboard R&B-lista der han låg i åtte veker i 1962.[5] «Boom Boom» nådde òg 60. plass på Billboard Hot 100, som ein av berre to singlar av Hooker.[5] Tretti år seinare, etter at songen vart nytta i ein Lee Jeans-reklame i 1992, nådde songen 16. plass på den britiske singellista..[6] Hooker spelte sidan inn fleire versjonar, mellom anna ei omarbeiding kalla «Bang Bang Bang Bang» frå Live at Soledad Prison og som ein gatemusikar i South Side Chicago i filmen The Blues Brothers. Sjølve songen var ikkje med på dette soundtracket.

The Animals-versjonen[endre | endre wikiteksten]

Boom Boom
Singel av The Animals
frå albumet The Animals
B-side «Blue Feeling»
Utgjeve November 1964[7]
Innspelt Januar 1964
Sjanger Rock
Lengd 2:57
Selskap MGM (K 13298)
Låtskrivar(ar) John Lee Hooker
Produsent Mickie Most[7]
The Animals-kronologi
«I'm Crying»
(September 1964)
Boom Boom «Don't Let Me Be Misunderstood»
(Januar 1965)

Det engelske rockebandet The Animals spelte inn «Boom Boom» for det britiske debutalbumet deira The Animals. Utgåva deira følgjer generelt John Lee Hooker sin versjon, men held seg til ein 12-takts bluesstruktur.[8] Deu ka òg til «shake it baby» som eit svar til «come on and shake...»-refrenget i midten.[8]

The Animals-versjonen vart gjeven ut som singel berre i Nord-Amerika og nådde 43. plass på singellista i USA.[9] og 15. plass i Canada.[10] Songen vart òg gjeven ut på det andre amerikanske albumet deira The Animals on Tour, samt fleire samlealbum.

Andre versjonar[endre | endre wikiteksten]

Som ein av dei mest kjende songane til Hooker, er «Boom Boom» blitt spelt inn av mange artistar. Av desse finn ein The Yardbirds, Mae West, Shadows of Knight, CCS, Dr. Feelgood, Bruce Springsteen and the E Street Band, Big Head Todd & the Monsters og The Oak Ridge Boys.

Lovord[endre | endre wikiteksten]

I 1995 vart John Lee Hooker sin versjon av «Boom Boom» lagt til på lista til Rock and Roll Hall of Fame over dei 500 songane som forma Rock and Roll.[11] Han vart innlemma i Blues Foundation Hall of Fame i 2009 i kategorien «Klassisk bluesinnspeling».[12]

Kjelder[endre | endre wikiteksten]

  1. The Very Best of John Lee Hooker Rhino R2 71915 Liner Notes.
  2. The Blues. Hal Leonard Corporation. 1995. ss. 36–37. ISBN 0793552591. 
  3. Obrecht, Jas (2000). Rollin' and Tumblin': The Postwar Blues Guitarists. Backbeat Books. s. 426. ISBN 978-0879306137. 
  4. Dahl, Bill (1996). All Music Guide to the Blues. Miller Freeman Books. s. 116. ISBN 0879304243. 
  5. 5,0 5,1 Whitburn, Joel (1988). Top R&B Singles 1942–1988. Record Research. s. 194. ISBN 0898200687. 
  6. Roberts, David (2006). British Hit Singles & Albums (19th ed.). London: Guinness World Records Limited. ss. 258. ISBN 1904994105. 
  7. 7,0 7,1 "The Story of the Animals", s. 2 [CD liner]. Album notes for The Singles+ by The Animals. Holland: BR Music (BS 8112-2).
  8. 8,0 8,1 The Blues. Milwaukee, Wisconsin: Hal Leonard Corporation. 1995. ss. 36–37. ISBN 0793552591. 
  9. «The Animals: Charts & Awards – Billboard Singles». Allmusic. United States: Rovi Corporation. http://www.allmusic.com/artist/p3555/charts-awards/billboard-singles. Henta 16. des. 2011. 
  10. «RPM Magazine: Top Singles - Volume 2, nr. 21, January 18 1965» (PHP). Library and Archives Canada. March 31, 2004. http://www.collectionscanada.gc.ca/rpm/028020-119.01-e.php?brws_s=1&file_num=nlc008388.5573&type=2&interval=24&PHPSESSID=m89iq841abagb37ld9c0fdc1f3. 
  11. [ttp://web.archive.org/web/20070422234247/http://www.rockhall.com/exhibithighlights/500-songs-by-name-ac/ «The Songs that Shaped Rock and Roll»]. Rock and Roll Hall of Fame. 1995. Arkivert frå originalen den April 22, 2007. ttp://web.archive.org/web/20070422234247/http://www.rockhall.com/exhibithighlights/500-songs-by-name-ac/. Henta 16. des. 2011. 
  12. «Blues Hall of Fame – 2009 Inductees». Classics of Blues Recording – Single or Album Track. The Blues Foundation. 2009. http://www.blues.org/#ref=halloffame_inductees. Henta 16. des. 2011.