Borgund kyrkje i Sogn

Borgund kyrkje
Foto: Svein Harkestad
Generelt
Kyrkjesamfunn:	Den norske kyrkja
Bispedøme:	Bjørgvin
Prosti:	Indre Sogn
Prestegjeld:	Lærdal
Fellesråd:	Lærdal
Sokn:	Borgund
Innvigd:	28. august 1868
Endringar:	Spontekkinga på taket vart bytt ut med skifer i 1886
Arkitektur
Type:	Langkyrkje
Arkitekt:	Christian Christie
Materiale:	Tre
Kyrkjerommet
Plassar:	175
Borgund kyrkje i Sogn på Commons

Borgund kyrkje står på Borgund i Lærdal kommune i Sogn og Fjordane, like ved Borgund stavkyrkje, og er ei langkyrkje i tre frå 1868.

Plasseringa til Borgund kyrkje

Kyrkjene på Borgund

Ho erstatta stavkyrkja som soknekyrkje for Borgund sokn i Indre Sogn prosti. Kyrkja vart dels betald for av Fortidsminnesmerkeforeininga mot at dei fekk overta stavkyrkja. Sokneprest Henning Frimann Dahl var sterkt med på å drive fram denne løysinga. Soknet måtte ha ny kyrkje for stavkyrkja var vorten for lita, og Dahl meinte at det var ei nasjonal oppgåve å ta vare på Borgund stavkyrkje for framtida.

Kyrkja er teikna av Christian Christie. Han teikna også Hauge kyrkje i nabosoknet, og dei to kyrkjen har grunnforma sams, men medan Hauge kyrkje har to tårn og plass til 500 personar, har Borgund kyrkje ein takryttar midt over skipet og plass til 175 personar. I utforminga av kyrkjene var han inspirert av stavkyrkjene.

Både Borgund stavkyrkje og Borgund kyrkje finst i små versjonar bygd i legoklossar i Legoland.

Sjå òg

• Kyrkjebygga til Den norske kyrkja i Sogn og Fjordane

Kjelder

• Margrethe Henden Aaraas og Sigurd Vengen: «Borgund kyrkje» på nettstaden til Fylkesarkivet i Sogn og Fjordane
• «Borgund kyrkje» hjå NRK Sogn og Fjordane Fylkesleksikon
• Sigurd Muri: Norske kyrkjer. Det Norske Samlaget. Oslo 1971

Bakgrunnsstoff

• Om Borgund kyrkjelyd på nettstaden til Den norske kyrkja
• «Kirkebøker, Sogn og Fjordane» på nettstaden til Arkivverket
• Eldre fotografi av kyrkje på Borgund på nettstaden til Nasjonalbiblioteket
• Kart frå 1979 som viser kyrkjestader og soknegrenser, på nettstaden til Universitetet i Bergen