Bremanger kommune

Bremanger kommune
Komm.nr.	1438
Fylke	Sogn og Fjordane
Adm.senter	Svelgen
Areal	825 km²
Folketal	3 884 (1. jan 2012)
Politikk
Ordførar (2011-)	Karl Vidar Førde (Sp)
Målform	Nynorsk
Nettstad	www.bremanger.kommune.no
Folketalsutvikling 1951-2010
Bremanger kommune på Commons

Bremanger kommune er ein kystkommune som ligg på grensa mellom Nordfjord og Sunnfjord. Kommunen er delt i to — indre og ytre Bremanger, høvesvis fastlandet og øyane Bremangerlandet og Frøya.

Kommunikasjon

Øyane er knytte saman med bru. Ytre del av kommunen har ferjesamband med Måløy og Kjelkenes. Tunnel under Skatestraumen og bru til Rugsund på fastlandet. Indre del har ferjefritt samband til Florø og Førde, og ferjesamband over Nordfjorden ved Isane. Det er snøggbåtsamband nordover til Selje og sørover til Florø og Bergen. Avstand til flyplass i Florø frå Svelgen er 59,9 km. Svelgen, som ligg inst i Nordgulen, er kommunesenter.

Næring

Næringsgrunnlaget i ytre delen av kommunen har tradisjonelt vore knytt til fiske- og fiskeforedling, noko kystkulturlandskapet ber preg av. I Svelgen ligg den største arbeidsplassen i kommunen — Elkem ASA Bremanger Smelteverk, ei metallurgisk industriverksemd med om lag 290 årsverk. Elles er der jordbruk, skogbruk og serviceverksemder.

Natur

Kommunen har ein svært variert natur, frå det golde kystlandskapet til frodige landbruksbygder og høge fjell og brear i indre del av kommunen. Fjellet Hornelen er den høgaste sjøklippa i Nord-Europa.

Tettstader

• Bremanger med 378 innbyggjarar (2011)
• Kalvåg med 349 innbyggjarar (2011)
• Svelgen med 1 198 innbyggjarar (2011)

Kjende folk frå Bremanger kommune

• Amanda Igland, (1917– 2002), pensjonatvertinne, fiskarkone, lokalpolitikar og organisajonskvinne.
• Heidi Grande Røys