Cæsar Boeck
| Cæsar Boeck | |
| Statsborgarskap | Noreg |
| Fødd | 13. mai 1766 Fredericia |
| Død |
16. juni 1832 (66 år) |
| Yrke | politikar, kjøpmann, offiser |
| Språk | norsk |
Cæsar Læsar Boeck (13. mai 1766–16. januar 1832) var ein dansk-norsk offiser, kjøpmann og stortingsmann frå Fredericia i Danmark. Han var far til Carl Wilhelm Boeck og Christian Boeck.
Boeck var løytnant i artilleriet, steig seinare til kaptein. Han opna grossistforretning i Kragerø, før han vart overførster på Kongsberg. Til sist var han kjøpmann i Christiania.
Boeck var stortingsrepresentant for Kragerø og Risør i 1818, 1824 og 1830. I 1818 var han med i 23 komitear, formann i tre av dei og sekretær i to. Same året var han medlem av stortingsdeputasjonen som tok del i kongekroninga i Stockholm. Seks år seinare var han med i komiteen om militærvesen, om berg- og skogvesen og om kjøpstadskatten. På sitt siste storting, 1830, var han med i komiteen om næringsvegane og kjøpstadskatten.
Boeck døydde i Christiania i 1832.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Biografisk informasjon om Cæsar Boeck NSD Norsk senter for forskningsdatas politikararkiv