Can’t Buy Me Love
| «Can’t Buy Me Love» Singel av The Beatles frå albumet A Hard Day’s Night |
||
| B-side | «You Can’t Do That» | |
|---|---|---|
| Utgjeve | 20. mars 1964 (UK) 16. mars 1964 (USA) |
|
| Innspelt | Pathé Marconi Studios 29. januar 1964 |
|
| Sjanger | Rock | |
| Lengd | 2:11 | |
| Selskap | Parlophone R5114 (UK) Capitol 5150 (USA) |
|
| Låtskrivar(ar) | Lennon/McCartney | |
| Produsent | George Martin | |
| The Beatles-kronologi | ||
| «I Want to Hold Your Hand» (1963) |
«Can’t Buy Me Love» | «A Hard Day’s Night» (1964) |
«Can’t Buy Me Love» er tittelen på ein song skrive av Paul McCartney[1] (kreditert til Lennon/McCartney) og gjeve ut av The Beatles som deira sjette britiske singel med «You Can’t Do That» som B-side
«Can’t Buy Me Love» vart spelt inn 29. januar 1964 i EMI sitt Pathe Marconi Studios i Paris i Frankrike,[2] der Beatles spelte 18 dagar på Olympia Theatre.
|
I don't care too much for money. Paul McCartney
|
Då dei var i Paris budde The Beatles på George V hotell og fekk eit piano flytta inn til seg slik at dei kunne halde fram med å skrive songar.[3] Det var her McCartney skreiv «Can’t Buy Me Love». Songen vart skriven under press etter suksessen dei nettopp hadde oppnådd med «I Want to Hold Your Hand», som nettopp hadde nådd førsteplassen på den amerikanske hitlista. Då produsenten George Martin først høyrde songen følte han at songen trengde ein betre intro og ein betre avslutning. Så han tok dei to første linje frå refrenget og plasserte dei i starten av songen. Resten av gruppa syns det var ein god idé og let det vere slik.[4] Verset i songen nyttar ein 12-taktsblues-struktur, som Beatles sjeldan nytta på sine eigne songar.[5]
Songen gjekk til topps på den amerikanske Billboard Hot 100 og var ein av fem Beatles-songar som låg på dei fem øvste plassane samstundes. Dette var den tredje Beatles-songen på rad som låg på førsteplassen og alle hadde avløyst kvarandre. Dei to føregåande på toppen var «I Want to Hold Your Hand» og «She Loves You». Den andre veka i april 1964 hadde Beatles 14 songar inne på Hot 100 samstundes.
Songen nådde òg førsteplassen i heimlandet og vart her den tredje singelen deira som selde over ein million. I Noreg, låg songen 14 veker på Topp 10 på VG-lista, men gjekk aldri høgare enn 3. plass.
Musikkmagasinet Rolling Stone plasserte «Can’t Buy Me Love» på 289. plass på lista deira over dei 500 største songane gjennom tidene.
Innhaldsliste |
Medverkande [endre]
- John Lennon – akustisk rytmegitar
- Paul McCartney – vokal og bass
- George Harrison – elektrisk rytmegitar og sologitar
- Ringo Starr – trommer
Coverversjonar [endre]
- The Chipmunks (1964)
- The Eliminators (1964)
- Ella Fitzgerald (1964)
- Johnny Rivers (1964)
- George Martin (1964)
- The Supremes (1964)
- Dave «Baby» Cortez (1965)
- Henry Mancini (1965)
- Peter Sellers (1965)
- Chet Atkins (1966)
- Count Basie and his Orchestra (1966)
- Cathy Berberian (1967)
- Phil Seaman (1968)
- David Clayton-Thomas (1973)
- Shirley Scott & Stanley Turrentine (1978)
- Stanley Turrentine (1981)
- The King's Singers (1988)
- The Allen Toussaint Orchestra (1989)
- Elena Duran, Stephane Grappelli & Laurie Holloway (1991)
- Giovanni (1993)
- Shenandoah (1995)
- Bugs Bunny og Daffy Duck (Joe Alaskey) (1995)
- Blackstreet (1996)
- John Pizzarelli (1998)
- The Punkles (1998)
- Laurence Juber (2000)
- Jive Bunny & the Mastermixers (2001)
- Michael Bublé (2005)
- Wayne Brady(2008)
Kjelder [endre]
- Denne artikkelen bygger på «Can't Buy Me Love» frå Wikipedia på engelsk, den 5. oktober 2008.
- Wikipedia på engelsk oppgav desse kjeldene:
- Bronson, Fred. The Billboard Book of Number One Hits. New York: Billboard Books, 2003. ISBN 0-8230-7677-6
- Turner, Steve. A Hard Day's Write: The Stories Behind Every Beatles' Song, Harper, New York: 1994, ISBN 0-06-095065-X
- ↑ Ian MacDonald (1998) Revolution in the Head, s. 93 – Pimlico, London. ISBN 0-7126-6697-4.
- ↑ Mark Lewisohn (1988) The Complete Beatles Recording Sessions, s. 38 – Hamlyn, London. ISBN 0-600-55798-7.
- ↑ Barry Miles (1992) Paul McCartney: Many Years From Now, s. 161 – utgjevingsstad ikkje oppgjeven.
- ↑ The Beatles (2000) The Beatles Anthology, s. 114 – Cassell& Co, London. ISBN 0-304-35605-0.
- ↑ George Martin (1994) Summer Of Love. The Making Of Sgt Pepper, s. 40 – Macmillan, London. ISBN 0-333-60398-2.
