Carl Dahl
Frå Wikipedia – det frie oppslagsverket
| Carl Dahl | |
 Måleri av P. Meidell tilhøyrer Eidsvoll 1814.
|
|
| Fødd | 21. august 1769 Sokndal |
|---|---|
| Død | 3. juni 1819 (49 år) Fredrikshald |
| Parti | Fri/Ukjend |
| Yrke | Sorenskrivar |
| Verv | Medlem av Riksforsamlinga på Eidsvoll |
| - valkrins | Fredrikshald |
Carl Adolph Dahl (21. august 1769–3. juni 1819) var ein norsk embetsmann, eidsvollsmann og stortingsrepresentant. Carl Theodor Dahl var sonen hans.
Dahl var frå Sokndal i Rogaland. Han vart eksaminert jurist i 1791, deretter sorenskrivarfullmektig i Idd og Marker. År 1797 viserådmann i Fredrikshald, 1798-1804 byfut og byskrivar i Tønsberg. Frå 1803 var han byfut og auksjonforvaltar i Fredrikshald, samt sorenskrivar i Idd og Marker. I 1810 vart han i tillegg by- og rådstuskrivar i Fredrikshald.
Dahl var utsending frå Fredrikshald til riksforsamlinga på Eidsvoll. Han var innvald til Stortinget 1818, men grunna sjukdom møtte han ikkje. Han døydde i Fredrikshald.
Kjelder[endre]
- Tallak Lindstøl: Stortinget og Statsraadet 1814-1914. Kristiania, 1914
- Carl Adolph Dahl frå Eidsvoll 1814
- Biografisk informasjon om Carl Dahl Norsk samfunnsvitenskapelig datatjenestes politikararkiv
