Carl Michelet
| Carl Michelet | |||
 | |||
| Fødd | 25. juli 1826 Blaker skanse | ||
|---|---|---|---|
| Død | 30. januar 1902 (75 år) | ||
| Statsborgar av | Noreg | ||
| Parti | Høgre | ||
| Yrke | politikar, advokat | ||
| Utdanna ved | Universitetet i Oslo | ||
| Alle verv |
| ||
Carl Johan Michelet (25. juli 1826–30. januar 1902) var ein norsk jurist, embetsmann og politikar, medlem av Høgre.
Michelet var fødd på Blaker skanse i Aurskog, der faren hans var offiser. Sjølv vart han student 1843 og tok juridisk embetseksamen 1849. Sidan var han i sju år advokatfullmektig, før han frå 1856 var overrettssakførar i Kristiania. Han var politimeister i Kristiania 1863-70, gjekk av etter ein strid med stiftamtmann Arntzen. Politimeister på ny 1877-82. I 1882 vart han utnemnd til amtmann for Jarlsberg og Larviks amt, eit embete han styrte til han døydde.
Michelet var med i formannskapet i Kristiania frå 1862, ordførar 1866-68. Sidan var han medlem av bystyret fram til 1882. Han var medlem av dei kongelege kommisjonar om politiet i Kristiania 1864, og to år seinare om dei kommunale oppgåvene i hovudstaden.
Michelet var stortingsmann for Jarlsberg og Larvik amt i 1886-91 og 1895-1901. I si fyrste periode, 1886-88, var han medlem av konstitusjonskomiteen, 1888 formann. Han var formann i landbrukskomiteen 1891-93 og i næringskomiteen frå 1895 til 1901. Perioden 1895-97 var han elles medlem av Lagtinget, medlem av valkomiteen 1895-1901. Grunna sjukdom var han permittert frå Stortinget frå 12. april 1898 og resten av valperioden. Han møtte på ny i 1901, vart atter permittert den 20. november.
Michelet vart tildelt ei rekke ordenar, mellom anna storkors av St. Olavs Orden i 1901. Han døydde vinteren 1902 i Kristiania.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914
- Johnsen, Oscar Albert: Sem og Slagen. En bygdebok, Tønsberg, 1945–48
Litteratur[endre | endre wikiteksten]
- S. H. Finne-Grønn: Slegten Michelet. 1919