Caster Semenya

Frå Wikipedia – det frie oppslagsverket
Caster Semenya


Statsborgarskap Sør-Afrika
Fødd 7. januar 1991 (33 år)
Ga-Masehlong, Polokwane
Idrett friidrett, fotball
Tok del i

Sommar-OL 2012, Friidrett under Sommar-OL 2016, Samveldeleikane 2018

Utmerkingar

Ikhamanga-ordenen, OkayAfrica 100 Women

Mokgadi Caster Semenya (fødd 7. januar 1991) er ein sørafrikansk mellomdistanseløpar som spesialiserer seg på 800 meter og 1500 meter for kvinner. Caster Semenya er kjend for å ha blitt kjønnstesta av det internasjonale friidrettsforbundet i 2009, noko som førte til debatt rundt kjønnstesting innan idretten.

Karriere[endre | endre wikiteksten]

Caster Semenya deltok i sitt fyrste VM i friidrett i 2009 i Berlin. Her vann ho gull på 800 meter med tida 1.55,45. Tidlegare same året hadde ho vorte afrikansk juniormeister på både 800 meter og 1500 meter og dei nye tidene hennar var markert raskare enn ho hadde sprunge tidlegare. Etter desse to sigrane valde det internasjonale friidrettsforbundet å gjennomføra ein kjønnstest på henne, noko som førte til sterke reaksjonar og ein ny debatt om kjønnstesting innan idretten. Caster Semenya fekk ikkje delta på tevlingar før resultata frå kjønnstesten var klåre, men i november 2009 vart det avgjort at ho fekk behalda premiane frå tevlingane i 2009.

For å verna om privatlivet hennar, vart ikkje resultata frå kjønnstesten til Caster Semenya offentleggjort. Men den 6. juli 2010 fekk Semenya igjen lov til å driva internasjonal toppidrett igjen. Under VM i friidrett 2011 i Daegu tok ho sølvmedaljen på 800 meter.[1] Ho deltok også under sommar-OL 2012 i London, der ho var flaggberar for landet sitt. Her tok ho igjen sølvmedalje på 800 meter på tida 1:57,23. Både i Daegu og i London vart ho slått av russiske Marija Savinova.[2][3]

Kjelder[endre | endre wikiteksten]

Fotnotar