Charing Cross

Charing Cross er eit område i City of Westminster i det sentrale London.

Namnet Charing kjem frå ein liten landsby som låg på denne staden, og tyder «ein sving i elva». I denne landsbyen sette Edvard I opp eit av eleanorkorsa, monument til minne om hustrua hans, Eleanor av Castilla, som blei reist på dei tolv stadene kor kista hennar sto over natta under ferda frå Lincolnshire til Westminster. Ein viktoriansk «kopi» av korset, som er både større og meir ornamental enn originalen, står utanfor Charing Cross stasjon. Det nye korset blei designa av Edward Middleton Barry. Det opphavlege sto på staden kor ein i dag finn ei statue av Karl I av England.

Alle avstandar til London blir målt frå eit punkt i Charing Cross. Dette er markert med ein plakett like ved Trafalgar Square.