Charlotte Dujardin

Dujardin på Valegro under OL 2012

Charlotte Dujardin (fødd 13. juli 1985) er ein britisk ryttar som vann to gullmedaljar i dressurriding under sommar-OL 2012 i London.

Charlotte Dujardin vann den individuelle konkurransen i dressur under sommar-OL 2012 med hesten «Valegro». Ho sette ny olympisk rekord i delkonkurransen Grand Prix med ein skår på 83,663 prosent og i Grand Prix Special med 83,286 prosent. Ho vann den siste konkurransen Grand Prix kür med 90,089 prosent.

Dujardin var også med på det britiske laget som vann i lagkonkurransen i dressur framfor Tyskland og Nederland. Deltakarane på det britiske laget var Dujardin på «Valegro», Laura Bechtolsheimer på «Minstral Hojris» og Carl Hester på «Uthopia».

OL-medaljar

• 2012 London - Gull i hestesport, dressur individuelt Storbritannia
• 2012 London - Gull i hestesport, dressur lag Storbritannia

Bakgrunnsstoff

• (en) Charlotte Dujardin – Profil og resultatoversikt i olympiske konkurransar på sports-reference.com.

Kjelder

• Olympisk rekord skremmer ikke norsk håp: – Jeg vil helt til topps

• Denne artikkelen bygger på «Charlotte Dujardin» frå Wikipedia på bokmål, den 11. august 2012.