Chaudhri Rahmat Ali
| Chaudhri Rahmat Ali | |
 | |
| Statsborgarskap | Britisk India, Pakistan |
| Fødd | 16. november 1897 Balachaur |
| Død |
3. februar 1951 (53 år) |
| Yrke | politikar, jurist |
| Språk | Urdu, panjabi, engelsk |
| Religion | Islam |
| Chaudhri Rahmat Ali på Commons | |
Chaudhri Rahmat Ali (16. november 1897–12. februar 1951) var ein muslimsk tenkjar og advokat frå Britisk India og ein tidleg forkjempar for opprettinga av Pakistan. Han fann på sjølve namnet Pakistan, som ein kombinasjon av namna på provinsane muslimane ønskte å få til sitt eige land.
Chaudhri eller Choudhary Rahmat Ali blei fødd i Balachaur i Hoshiarpur distrikt i Panjab. Etter skulegang i Jalandhar studerte juss i Lahore. I 1930 reiste han til England for å studera ved Universitetet i Cambridge. Han oppnådde gradene BA i 1933 og MA i 1940, og i 1943 fekk han advokatløyve. I tillegg til Cambridge studerte han også i Dublin.
28. januar 1933 kom Rahmat Ali med eit framlegg om å oppretta eigne muslimske statar i utgjevinga Now or Never ('No eller aldri') . I tillegg til Pakstan (seinare Pakistan) for dei 30 millionar muslimane nordvest i landet føreslo han også eit «Bang-i-Islam» for muslimar i Bengal og eit «Usmanistan» for muslimar i Hyderabad og Deccan. På denne tida grunnla han også Pakistan National Movement med hovudkvarter i Cambridge.
Etter grunnlegginga av Pakistan i 1947 vitja han landet i 1948, men levde likevel dei siste åra sine i England. Han fortsette å kjempa for indiske muslimar.
Kjelder[endre | endre wikiteksten]
- www.storyofpakistan.com
- Chronologu Arkivert 2009-01-22 ved Wayback Machine. ved chaudhryrahmatali.com
- Denne artikkelen bygger på «Choudhary Rahmat Ali» frå Wikipedia på engelsk, den 21. mars 2010.