Christian Kalvenes

Christian Kalvenes

Personleg informasjon
Namn	Christian Kalvenes
Fødselsdato	8. mars 1977 (35 år)
Fødestad	Bergen i Noreg
Høgd	183 cm
Posisjon	Venstreback
Klubbinformasjon
Spelar for	Brann
Draktnummer	3
Klubbar*
År	Klubb	Kampar (mål)
1995–1997 1998–2000 2000–2003 2003–2006 2006–2008 2008–2010 2010–	Brann Åsane Sogndal Brann Dundee United Burnley Brann	1 (0) 45 (4) 67 (4) 11 (0) 48 (2) 27 (1) 26 (0)
* Klubbkampar og mål i nasjonal liga   er sist oppdatert 10. februar 2012.

Christian Kalvenes (fødd 8. mars 1977 i Bergen) er ein norsk fotballspelar som spelar venstreback for den norske klubben Brann.

Klubbfotball

Tidleg karriere

Kalvenes spilte den første eliteseriekampen sin for Brann mot Ham-Kam 28. mai 1995. 10 år og éin dag etter spelte han den andre eliteseriekampen sin for klubben, mot Lyn 29. mai 2005.

I mellomtida spelte han for Åsane og Sogndal. Trass i at han var eit av Brann sine store talent på 1990-talet, klarte han aldri å etablere seg i A-lagstroppen. Etter fleire gode sesongar som midtstoppar i Åsane blei han henta til eit Sogndal-lag som kjempa om opprykk til Tippeligaen sommaren 2000. Der spelte han i hovudsak venstreback, og bidrog til at klubben vann kvalifiseringa mot Vålerenga same år på fleire skåra bortemål.

I dei neste sesongane var han eit sikkert val på Sogndal sin venstreback i tillegg til å skåre fleire mål på frispark. Han var også visekaptein i klubben den siste tida han var der. Før 2004-sesongen blei han henta tilbake til Brann, men der gjekk han stort sett skada fram til debuten i 2005. Ironisk nok var han tilbake frå skade omtrent samtidig som konkurrenten hans om venstrebackplassen, Erlend Hanstveit. Etter at Hanstveit blei skadefri, måtte Kalvenes finne seg i å vere andreval i Brann-forsvaret.

Dundee United

2. august 2006 gjekk Kalvenes til Dundee United for ein overgangssum på omtrent £50 000. Kalvenes fekk debuten sin for Dundee United i bortekampen mot Rangers 5. august 2006. Kampen enda uavgjort, og Kalvenes skåra eitt av måla for Dundee United. Kalvenes skåra mot Rangers også i den siste kampen sin for Dundee United.

I 2007/2008-sesongen blei Kalvenes stemt fram som den beste venstrebacken i Scottish Premier League etter ein imponerande sesong.

Burnley

I juli 2008 fekk han ein 2-årskontrakt med Championship-klubben Burnley. Med det valde han bort ein planlagd retur til heimlandet. Kalvenes debuterte i ein ligacup-kamp som Burnley vann 12. august 2008, og fekk med seg 83 minutt av kampen før han blei bytt ut.

25. mai 2009 spelte han heile kampen då Burnley slo Sheffield United 1-0 i Playoff-finalen på Wembley, noko som førte til opprykk til Premier League.

I overgangsvinduet i januar 2010 blei Christian Kalvenes samd med Burnley om å avslutte kontrakten på grunn av lite speletid. Kalvenes sitt mål var å spele for Brann, men Brann greidde ikkje å skaffe midlane som trengtest, og han var derfor klubblaus i ein liten periode. Kalvenes sa i media at han håpa å finne seg ein klubb i neste overgangsvindu.

Brann

14. juni 2010 skreiv han under for Brann for tredje gong i karrieren. Han skreiv under ein kontrakt ut sesongen med opsjon på eitt år til. Han er meint som erstatning for Olafur Örn Bjarnason, som reiser heim til Island. Roald Bruun-Hanssen sa om signeringa: "Vi er veldig godt nøgd med å få denne avtalen på plass. Christian er ein lokal gut, som har bidrege positivt i klubben to gonger tidlegare. Han har gode personlege eigenskapar, og er ein anvendeleg spelar."

Fotnotar

Denne artikkelen begynte med ei omsetjing frå bokmålswikipediaen 19. mars 2011.

Brann – spelarstallen 2012

Målmenn
1 Jørgen Mohus
12 Øystein Øvretveit
24 Piotr Leciejewski
33 Hannes Halldórsson

Forsvarsspelarar
2 Birkir Már Sævarsson
3 Christian Kalvenes
4 Lars Grorud
7 Hassan El Fakiri
18 Markus Jonsson
21 Zsolt Korcsmár
27 Erdin Demir

Midtbanespelarar
5 Rodolph Austin
8 Fredrik Haugen
10 Erik Mjelde
14 Fredrik Nordkvelle
22 Amin Askar
23 Tomasz Sokolowski
29 Kristoffer Barmen

Angrepsspelarar
9 Kim Ojo
11 Bentley
17 Oumar Niasse
30 Kristoffer Larsen