Cincinnati
| Cincinnati | |||
| by | |||
 | |||
|
|||
| Land |  USA
| ||
|---|---|---|---|
| Stat | Ohio | ||
| Areal | 204,589872 km² | ||
| Folketal | 309 317 (1. april 2020)[1] | ||
| Grunnlagd | 1788 | ||
 Cincinnati 39°06′00″N 84°30′45″W / 39.1°N 84.5125°W | |||
 Cincinnati i Hamilton County i Ohio.
| |||
| Wikimedia Commons: Cincinnati, Ohio | |||
Cincinnati er ein by i delstaten Ohio i det austlege USA. Han omfattar eit areal på 206 km og har om lag 297 000 ibuarar (2010), og er dermed den tredje største byen i delstaten. Cincinnati er administrativt senter for Hamilton County.
Byen ligg lengst sørvest i delstaten Ohio, ved åmotet mellom Ohioelva og den mindre elva Licking. Han er del av ein større byregion, Cincinnati–Middletown, som strekkjer seg inn i Kentucky og Indiana.
Historie[endre | endre wikiteksten]
Cincinnati vart grunnlagd i 1788 og var den fyrste større byen som voks fram etter den amerikanske revolusjonen. Han voks mykje utover på 1800-talet, men etter at jarnbaner vart lagt vestover i USA, måtte Cincinnati sjå seg forbigådd i vekst av andre innlandsbyar som Chicago og Saint Louis. Frå 1960-talet har folketalet gått tilbake med rundt 25 % i sjølve byen. Etter 1970 har det også vore tendensar til stagnasjon og tilbakegang også i heile byregionen.
Næringsliv[endre | endre wikiteksten]
Byen er eit viktig transportknutepunkt for veg, jarnbane og flyruter, i tillegg til å ha ei av dei største innlandshamnene i USA. Ein har særleg drive med transport av kol, jern og trevirke. Utanrikshandelen har også blitt viktig for økonomien i byen fram mot 2000-talet. Combs-Hehl Bridge over Ohio-elva bind byen saman med Campbell County i Kentucky.
Cincinnati har ein mangesidig industri som mellom anna omfattar produksjon av maskinverktøy, såpe, spelkort, kjemikalium, bil- og flydelar, motorar, tekstil, konfeksjon og møblar. Grafisk industri, store slakteri, brennerier og bryggjeri er også økonomisk viktige.
Kultur og utdanning[endre | endre wikiteksten]
Byen har fleire høgare lærestader, mellom anna University of Cincinnati (1874), katolske Xavier University (1831) og jødiske Hebrew Union College (1875).
Den andre eldste dyrehagen i USA, Cincinnati Zoo and Botanical Garden, blei skipa i 1875.
Det amerikanske fotballaget Cincinnati Bengals som speler i NFL er heimehøyrande i Cincinnati.
Kjelder[endre | endre wikiteksten]
- ↑ 1,0 1,1 1,2 1,3 https://data.census.gov/cedsci/table?t=Populations%20and%20People&g=0100000US,%241600000&y=2020; vitjingsdato: 1. januar 2022.
- «Cincinnati» (5. september 2011), Store norske leksikon. Fri artikkel henta 7. juli 2014.
- Denne artikkelen bygger på «Cincinnati» frå Wikipedia på engelsk, den 20. februar 2014.
