Cisticola
| Cisticola | ||
|
|
||
| Systematikk | ||
| Rike: | Animalia | |
| Rekkje: | Chordata | |
| Klasse: | Aves | |
| Orden: | Passeriformes | |
| Familie: | Cisticolidae | |
| Slekt: | Cisticola | |
| Artar | ||
|
||
_2.jpg)
Cisticola er ei biologisk slekt av særs små insektetande fuglar tidlegare klassifisert i songarfamilien, Sylviidae, men no vanlegvis i sin eigen familie grassongarar, Cisticolidae, saman med ca. 21 andre sørlege songfuglslekter. Ein trur dei er nærskylde med svaler, bylbylar og brillefuglar. Slekta inneheld rundt 45 artar, av dei berre to som ikkje finst i Afrika: gassarcistussongar på Madagaskar og gyllengrassongar frå Asia til Australasia.
Slektsnamnet, Cisticola, tyder innbyggjar ('-cola') av ei voven korg ('cista-'), med vising til det fint vove reiret av cistussongar, den mest utbreidde arten i slekta.
Innhaldsliste |
Utbreiing og habitat [endre]
Cisticolas er utbreidd gjennom tropiske og subtropiske område av «den gamle verda». Afrika, som er leveområdet for nesten alle artar i slekta, er det mest sannsynlege utgangspunktet for heile familien. Cisticolas er vanlegvis standfuglar med dei fleste artane knytt til og ofte gjenkjenneleg av leveområdet deira.
Slekta nyttar ei rekkje typar av opne habitat. Desse omfattar våtmarker, fuktig eller tørrare grasland, opne eller steinete fjellsider, og menneskemodifiserte habitat som vegkantar, dyrka jord, nedhogne område eller beitemark. Artane som føretrekker våtmarksområde kan ein finne i randsona av mangrove, eller i papyrus, anna siv, eller område med dunkjevlar. Cisticolas er generelt ganske vanleg innanfor det som er står att av dei føretrekte habitata deira.
Cistussongar er utbreidd i alle tropiske område og hekkar jamvel i Sør-Europa. Ved fleire høve har han blitt observert som streiffugl nord til England.
Utsjånad og vaner [endre]
På grunn av den litle storleiken på rundt 10 cm og den brunlege fjørdrakta, er det lettare å høyre enn å sjå fuglane i denne slekta. Likskapen i fjørdrakta mellom mange arter i slekta kan gjere dei vanskeleg å identifisere, spesielt om vinteren då dei sjeldan kjem ut av graset. Særleg er mange afrikanske artar vanskeleg å skilje anna enn av læte deira.
Hannar av Cisticolas er polygame. Hoa byggjer eit godt skjult reir i djupt i gras. Den gjennomsnittlege storleiken på kullet er ca fire egg, rugetida er ca. to veker. Den parasittiske vevaren gaukvevar har spesialisert seg på Cisticolas og Prinias.
Artslista [endre]
Alle artar i slekta Cisticola med namn på norsk språk:[1]
- Raudmaskegrassongar, Cisticola erythrops
- Kantorgrassongar, Cisticola cantans
- Plystregrassongar, Cisticola lateralis
- Skvaldregrassongar, Cisticola anonymus
- Trillegrassongar, Cisticola woosnami
- Boblegrassongar, Cisticola bulliens
- Umbragrassongar, Cisticola chubbi
- Kikuyugrassongar, Cisticola hunteri
- Svarttyglegrassongar, Cisticola nigriloris
- Markgrassongar, Cisticola aberrans
- Boranagrassongar, Cisticola bodessa
- Torngrassongar, Cisticola chiniana
- Grågrassongar, Cisticola cinereolus
- Rustkronegrassongar, Cisticola ruficeps
- Hausagrassongar, Cisticola dorsti
- Bleikbryngrassongar, Cisticola rufilatus
- Hottentottgrassongar, Cisticola subruficapilla
- Jamregrassongar, Cisticola lais
- Tanagrassongar, Cisticola restrictus
- Knarregrassongar, Cisticola njombe
- Skurregrassongar, Cisticola galactotes
- Kvitregrassongar, Cisticola pipiens
- Sumpgrassongar, Cisticola carruthersi
- Ringlegrassongar, Cisticola tinniens
- Grovgrassongar, Cisticola robustus
- Kvekkegrassongar, Cisticola natalensis
- Fløytegrassongar, Cisticola fulvicapilla
- Aberdaregrassongar, Cisticola aberdare
- Miombograssongar, Cisticola angusticauda
- Svarthalegrassongar, Cisticola melanurus
- Vislegrassongar, Cisticola brachypterus
- Rustgrassongar, Cisticola rufus
- Revegrassongar, Cisticola troglodytes
- Alvegrassongar, Cisticola nana
- Cistussongar, Cisticola juncidis
- Sokotracistussongar, Cisticola haesitatus
- Gassarcistussongar, Cisticola cherina
- Ørkengrassongar, Cisticola aridulus
- Himmelgrassongar, Cisticola textrix
- Mørkryggrassongar, Cisticola eximius
- Flaumgrassongar, Cisticola dambo
- Brungrassongar, Cisticola brunnescens
- Kanelgrassongar, Cisticola cinnamomeus
- Smellegrassongar, Cisticola ayresii
- Gyllengrassongar, Cisticola exilis
Kjelder [endre]
- Denne artikkelen bygger på «Cisticola» frå Wikipedia på engelsk, den 10. oktober 2010
Referansar [endre]
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
