Colombiapikulett
| Colombiapikulett | |
 Colombiapikulett Foto: Francesco Veronesi
| |
| Utbreiing og status | |
Status i verda:  Livskraftig Utbreiinga av Colombiapikulett | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Overorden: | Coraciimorphae |
| Orden: | Spettefuglar Piciformes |
| Familie: | Spettefamilien Picidae |
| Underfamilie: | Pikulettar Picumninae |
| Slekt: | Picumnus |
| Art: | Colombiapikulett P. granadensis |
| Vitskapleg namn | |
| Picumnus granadensis | |
Colombiapikulett (Picumnus granadensis) er ein liten fugl i spettefamilien og ein medlem av underfamilien Picumninae, pikulettar. Han er endemisk for Colombia med utbreiing i sørvestre del av landet, på vestsida av sentrale Andes i departementa Nariño, Cauca, Valle del Cauca og Quindío, moglegvis nord til sørlegaste Antioquia.
Skildring[endre | endre wikiteksten]
Colombiapikuletten har storleik som normalt for pikulettar, ca. 9-10 centimeter og han veg 12-13 g. Samanlikna med storleik for europeiske fuglar er dette om lag som ein gjerdesmett. Fjørdrakta har brungrå overside, ofte med oliventone, undersida er lys grå. Panne og hette på hovudet er mørk med små kvite flekker i hos hoer, hos hannar blir flekkene gulfarga i panna. Underarten lengst nord har lys brune streker på buk og sider og meir gråleg overside.[1] Dette er ein stille fugl, han har ei svak einstonig trille.
Habitatet ligg i både opphavleg og gjenveksten moderat fuktig skog, og i krattskog, i høgder mellog 800 og 2100 moh. Utbreiingsområdet er frå øvre Valle del Patía i Nariño, nordover til øvre Valle del Cauca, dessutan på vestsida av Andes, frå øvre delar av Río San Juan i sør nordover til sørlegaste Antioquia.[1] Han er standfugl.
Storleiken og utviklinga av populasjonen er ukjent, likevel er han klassifisert som livskraftig av IUCN.
Kjelder[endre | endre wikiteksten]
- Winkler, H. & Christie, D.A. (2002). Grayish Piculet (Picumnus granadensis) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 19. april 2015
- BirdLife International (2015) Species factsheet: Picumnus granadensis Arkivert 2016-03-05 ved Wayback Machine.. Henta frå http://www.birdlife.org den 19. april 2015
- Referansar
Bakgrunnsstoff[endre | endre wikiteksten]
Wikimedia Commons har multimedia som gjeld: Colombiapikulett