Cramond Island

Frå Wikipedia – det frie oppslagsverket
Gå til: navigering, søk
Cramond Island og stien over.

Cramond Island (skotsk-gælisk Eilean Chathair Amain) er ei av fleire øyar i Firth of Forth aust i Skottland, nær Edinburgh. Øya ligg utanfor Cramond og er 500 meter lang og 7,7 hektar stor.[1][2]. Øya er i røynda ei tidvassøy og er landfast ved lågvatn. Det går ein brulagt sti over til øya, som går an å nytte ved fjøre. Ved høgvatn er det derimot ikkje mogeleg å nytte stien.

Gjennom det meste av historia vart Cramond Island nytta til jordbruk, særleg sauehald.[2]. Øya var ein gong kjend for østers, men desse vart utrydda i området etter overfiske. Då den andre verdskrigen braut ut, vart det bygd festningsverk på øya. Fleire av desse bygningane står framleis.

Kjelder[endre | endre wikiteksten]

  1. http://www.geo.ed.ac.uk/scotgaz/features/featurefirst1593.html
  2. 2,0 2,1 Wilson, Rev. John The Gazetteer of Skottland (Edinburgh, 1882) Published by W. & A.K. Johnstone

Koordinatar: 55°59′35″N 3°17′23″W