Dag Magnus Narvesen
Dag Magnus Søyland Narvesen (f. 1983) er ein norsk jazztrommeslagar og komponist frå Stavanger.
I 2008 flytta han til Oslo, etter å ha studert på jazzlinjene ved Universitetet i Stavanger og NTNU i Trondheim.
Dag Magnus Narvesen sit i styret til improvisasjonskollektivet Kitchen Orchestra i Stavanger. Gjennom dette orkesteret har han spelt og samarbeidd med blant andre Alexander von Schlippenbach, Evan Parker, Steve Beresford og Keith Tippet. Kitchen Orchestra gav ut julesingelen "Jul i sin helhet på Jæren" (CCAP 2010) saman med Pål Jackman . I tillegg driv han kvintetten Sasquatch, som har gjeve ut plata "Enter The Sasquatch" (CCAPknirk 2010) og speler i Gunhild Seims Time Jungle som har gjeve ut platene "Time Jungle" (Drollehålå 2007) og "Morpho" (Drollehålå 2009). Han speler òg i to trioar, den eine saman med Stine Janvin Motland og Johannes Bauer og den andre med Klaus Ellerhusen Holm og Øyvind Storesund.
