Dagfinn Høybråten

Høybråten i Stortinget februar 2009

Foto: Lars Røed Hansen

Dagfinn Høybråten (fødd 2. desember 1957 i Oslo) er ein norsk politikar som frå 2004 til 2011 leidde Kristeleg Folkeparti. Han er valt inn på Stortinget for perioden 2009-2013 på Rogalandsbenken. Han hadde ulike statsrådpostar i begge Bondevik-regjeringene frå 1997 til 2000 og frå 2001 til 2005.

Tidleg karriere

Høybråten byrja si politiske karriere i 1979 då han vart leiar for KrFU, eit verv han hadde fram til 1982. Han var i perioden 1983-86 personleg rådgjevar for dåverande kyrkje- og undervisningsminister Kjell Magne Bondevik. Han var etter det statssekretær i Finansdepartementet i 1989-90.

Statsråd

Arbeids- og sosialminister i Kjell Magne Bondevik si andre regjering sidan 18. juni 2004, statsråd i Helsedepartementet (helsesaker) frå 19. oktober 2001. Også i Kjell Magne Bondeviks 1. regjering statsråd i Helsedepartementet (helsesaker). Høybråten er mest kjend for å ha skjerpa røykjelova, ved å forby all røyking innandørs på restaurantar og utestadar.

I 2004 opna Slottet for at statsrådar etter 4 års tenestetid vart tildelt St. Olavs Orden. Dagfinn Høybråten vart då kommandør av St. Olavs Orden.

Privatliv

Høybråten er gift med Jorunn og har fire born. Høybråten er busett på Nesodden der han er med i den lokale meinigheita i Misjonsforbundet. Han er son av politikar Per Høybråten (1932-90).

Han har utdanning frå mellom anna Kristelig Gymnasium, og det var denne klassa han hadde med seg då han var gjest i Den store klassefesten i 2005.

Utdanning

• Kristelig Gymnasium
• Cand. polit. ved Universitetet i Oslo 1984 med statsvitskap og offentleg rett.
• Eitt års samfunnsvitskapelege studium ved Luther College, USA.

Yrkeserfaring

• Personleg sekretær for stortingsrepresentantane Lars Korvald 1978-81 og Kjell Magne Bondevik 1978-83.
• Personleg sekretær for kyrkje- og undervisningsminister Kjell Magne Bondevik 1983-86.
• Spesialkonsulent, seinare stabssjef i Kommunenes Sentralforbund 1986-89.
• Statssekretær i Finansdepartementet 1989-90.
• Direktør i Kommunenes Sentralforbund 1990-93.
• Rådmann i Oppegård kommune 1994-97.
• Trygdedirektør, Rikstrygdeverket 1997.

Verv

• Medlem av Kristeleg Folkepartis sentralstyre 1979-82 og 1983-97.
• Statsråd i Sosial- og helsedepartementet (helsesaker) frå 17. oktober 1997.
• Ei rekkje statlege, kommunale/fylkeskommunale og organisasjonsmessige verv.
• Statsråd i Sosial- og helsedepartementet (helsesaker) frå 19. oktober 2001 til 31. desember 2001
• Statsråd Helsedepartementet 1. januar 2002 -18. juni 2004
• Statsråd Arbeids- og sosialdepartementet 18. juni 2004
• Styremedlem i verdas vaksinefond, Gavi, frå juli 2006.
• President i Nordisk Råd frå 1.1.2007

Bibliografi

• Pengene eller livet. Avenir Forlag (2009) ISBN 9788249400768.

Kjelder

• Denne artikkelen byggjer på «Dagfinn Høybråten» frå Wikipedia på bokmål, den 2. juli 2008.

.

Bakgrunnsstoff

Commons har multimedia som gjeld: Dagfinn Høybråten

• Stortinget.no - Biografi

Føregjengar Valgerd Svarstad Haugland

Leiar for Kristeleg Folkeparti 2004–2011

Etterfylgjar Knut Arild Hareide