Dannii Minogue
| Dannii Minogue | |
 |
|
| Verkeleg namn | Danielle Jane Minogue |
| Fødd | 20. oktober 1971 (41 år) Melbourne i Victoria i Australia |
| Sjanger | Dansepop, disco, house, electronica |
| Aktive år | 1990 til i dag (songar) 1978 til i dag (skodespelar) |
| Plateselskap | Mushroom Records MCA Records Warner Music Group |
| Nettside | danniiminogue.com |
Danielle Jane Minogue, kjent som Dannii Minogue (fødd 20. oktober 1971), er ein australsk songar, låtskrivar, skodespelar, TV-personlegdom og motedesigner.
Innhaldsliste |
Biografi [endre]
Minogue vart fødd i Melbourne i Australia til Ronald Charles Minogue, ein australsk rekneskapsførar av irsk avstamming,[1] og Carol Jones, ein dansar frå Wales.[2] Ho er den yngste av tre born. Den eldre broren hennar Brendan er kameramann på nyhendesendingar i Australia, og den eldre systera hennar Kylie Minogue er òg songar og skodespelar.[3]
Minogue spelte i australske såpeoperaer som Skyways og The Sullivans, før ho byrja karrieren sin som songar tidleg på 1990-talet. I 1981 opptredde ho i vekentleg musikkprogramet Young Talent Time. Minogue oppnådde tidleg suksess, men etter utgjevinga av hennar andre album hadde populariteten hennar som songar gått ned, og ho konsentrerte seg om yrket som programleiar.
Karriere som songar [endre]
Minogue signert ein kontrakt med plateselskapet Mushroom Records i januar 1989. Det første albumet hennar, Dannii, kom ut i 1990 og nådde nummer 24 i Australia.[4] Utanfor Australia vart albumet utgjeve i 1991 med tittelen Love and Kisses. Den første singelen «Love and Kisses» nådde nummer fire på den australske hitlista[4] og fyrsteplassen på UK Singles Chart.[5]
Interessene til Minogue for dansepop og electropop påverka det tredje albumet hennar, Girl, som kom ut i september 1997. Den første singelen «All I Wanna Do» nådde nummer fire på UK Singles Chart og vart sertifisert gull i Australia. Den neste singelen «Everything I Wanted» og «Disremembrance», nådde ikkje topplisten der, men kom til førsteplassen på den britiske hitlista.
I mars 2003 gav Minogue ut det fjerde albumet sitt, Neon Nights, som nådde nummer åtte på UK Albums Chart, hennar høgaste sidan debuten. Singelen «I Begin to Wonder» var erklært ein av dei beste på albumet, og nådde nummer to i Storbritannia.[5] I Australia nådde songen nummer fjorten og vart sertifisert gull. Den trejde singelen «Don't Wanna Lose This Feeling» nådde nummer fem i Storbritannia og nummer 22 i Australia. «I Begin to Wonder» og «Don't Wanna Lose This Feeling» var òg vellykka på Billboard.[6]
Privatliv [endre]
I oktober 1999 vart Minogue forlova med Formel 1-føraren Jacques Villeneuve, men tilhøvet deira tok slutt i 2001. Tidleg i 2002 byrja ho et forhold med musikkprodusent og bassist Craig Logan. Det vart hevda av media at dei var forlova,[7] men i desember 2002 vart det annonsert at dei hadde avslutta tilhøvet.[8]
Sidan august 2008 hadde Minogue vore i lag med den engelsk modellen og tidlegare profesjonelle rugbyspelaren Kris Smith. Det vart annonsert 9. januar 2010 at Minogue var gravid, og det vart stadfesta på den personlege Twitter-sida. Minogue fødde ein gut som heiter Ethan Edward Smith i Melbourne i Australia den 5. juli 2010.[9][10]
Diskografi [endre]
- Love and Kisses (1991)
- Get Into You (1993)
- Girl (1997)
- Neon Nights (2003)
- Club Disco (2007)
Kjelder [endre]
- Delar av denne artikkelen bygger på «Dannii Minogue» frå Wikipedia på engelsk, den 17. desember 2010.
- Wikipedia på engelsk oppgav desse kjeldene:
- ↑ Why we love Kylie – By three of the people who know her best. Daily Mail (9. november 2007). Vitja 15. november 2008.
- ↑ Bright, Spencer (18. maj 2005). Family shock at Kylie's illness. BBC. Vitja 15. november 2008.
- ↑ Freeman, Simon (13. januar 2006). Kylie finishes 'successful' breast cancer treatment. The Times. Vitja 16. november 2008.
- ↑ 4,0 4,1 Discography Dannii Minogue. australian-charts.com. Vitja 11. November 2008.
- ↑ 5,0 5,1 Chart Stats: Dannii Minogue. ChartStats.com. Vitja 11. november 2008.
- ↑ Dannii Minogue > Charts & Awards > Billboard Singles". Allmusic. Vitja 11. november 2008.
- ↑ Dannii Minogue to Marry. The Age. Vitja 5. april 2007.
- ↑ Dannii Breaks Up with Boyfriend. The Sunday Morning Herald (24. januar 2003). Vitja 5. april 2007.
- ↑ Dannii Minogue, My Story, s. 323.
- ↑ Dannii Minogue gave birth to baby boy in Melbourne on Monday. Courier Mail (7. juli 2010). Vitja 28. oktober 2011.
