Debo-sjøen

Frå Wikipedia – det frie oppslagsverket
Gå til: navigering, søk
Hus på ei øy i Debo-sjøen.
Satellittbilete av Debo-sjøen.

Debo-sjøen (Lac Débo på fransk) er ein innsjø i Maasina i Mali. Han blir danna når elva Niger fløymer over breiddene sine mellom april og august, og er sterkt redusert frå september til mars.

Storleik[endre | endre wikiteksten]

Når Debo-sjøen er på det største, ligg han kring 80 km frå Mopti oppover Niger og 240 km frå Timbuktu nedover Niger. Det er den største innsjøen i Mali.

Bruk[endre | endre wikiteksten]

Innsjøen er størst i regntida, når elvane Bani og Niger har størst vassføring. Då driv fiskarar frå bozo-folket, som bur ved breidda av sjøen, eit intensivt fiske. I tørketida, medan sjøen er minst, lèt fulaniane krøterflokkane sine beite på dei store grasslettene som då er frie for vatn.

Økologi[endre | endre wikiteksten]

Sjøen er ein viktig kvilestad for trekkfulglar, og UNESCO har klassifisert han som ein RAMSAR-sone (The Convention on Wetlands of International Importance, especially as Waterfowl Habitat, zone humide reconnue d’un intérêt international pour la migration des oiseaux d’eau).