Den tyrkiske rivieraen

Den tyrkiske rivieraen (òg kjend som Turkiskysten) er eit omgrep nytta for å skildre eit område sørvest i Tyrkia som omfattar provinsane Antalya, Muğla og delar av Aydın, det sørlege İzmir og det vestlege Mersin. Kombinasjonen av gunstig klima, varm sjø og meir enn tusen kilometer med kyst langs Egearhavet og Middelhavet, vakker natur og arkeologiske stader trekkjer området til seg mange turistar frå både Tyrkia og utlandet.

Av arkeologiske stader finn ein to av dei sju underverka; ruinane av Mausoleion i Halikarnassos og Artemistempelet i Efesos.^[1]

Rivieraen er heimstad for den internasjonalt kjende Blue Voyage, der deltakarane kan nyte ei vekelang reise på guletar, ein seglbåttype frå Tyrkia, til byar frå antikken, hamner, mausoleum og intime strender i mange av dei små vikene.

Kysten vert rekna som eit kulturelt funn med ei blanding av verkelege og mytologiske personar, konfliktar og hendingar, og området er ofte nemnd i segnene til mange kulturar opp gjennom historia. Kysten har vore heimstad for vitskapsfolk, helgenar, krigarar, kongar og heltar, og vore åstad for mange kjende myter. Marcus Antonius av Romarriket skal ha vald Den tyrkiske rivieraen som den vakraste bryllaupsgåva si til Kleopatra av Egypt.^[2] St. Nikolas, seinare kjend som julenissen, vart fødd i Demre (i antikken Myra), ein liten by nær dagens Antalya.^[3] Herodotos, som vert rekna som den første historikaren, vart fødd i Bodrum (i antikken Halikarnassos) kring 484 fvt.^[4] Vulkanfjella vest for Antalya, nær Dalyan, er trudd å ha vore inspirasjon for den mytiske Khimera - den eldpustande monsteret som Bellerofon slo i hel.^[2]