Diego Benaglio

Diego Benaglio

Personleg informasjon
Namn	Diego Benaglio
Fødselsdato	8. september 1983
Fødestad	Zürich i Sveits
Høgd	193 cm
Posisjon	Keeper
Klubbinformasjon
Spelar for	Wolfsburg
Draktnummer	1
Ungdomsklubb
1994-98 1998-99	Spreitenbach Baden
Klubbar*
År	Klubb	Kampar (mål)
1999-2002 2002-05 2003-05 2005-08 2008-	Grasshoppers Stuttgart Stuttgart II Madeira Wolfsburg	23 (0) 0 (0) 37 (0) 69 (0) 64 (0)
Landslag**
2006-	Sveits	25 (0)
* Klubbkampar og mål i nasjonal liga   er sist oppdatert 1. februar 2010. ** Landskampar og mål er sist oppdatert 14. november 2009.

Diego Benaglio (fødd 8. september 1983) er ein sveitsisk fotballspelar, som spelar som keeper for det tyske laget Wolfsburg og det sveitsiske landslaget.

Benaglio vart fødd i Zürich. Den første fotballklubben hans var Grasshoppers i Zürich. Som ungt talent gjekk han derfrå til Stuttgart i Tyskland. Der var han tredjekeeper, under Timo Hildebrand og Thomas Ernst i rangordninga, seinare under Hildebrand og Dirk Heinen. Han fekk ingen A-lagskampar for Stuttgart, og då Hildebrand var om lag på same alder som han, såg Benaglio inga framtid i den tyske klubben. I 2005 gjekk han difor over til CD Nacional Madeira i den portugisiske ligaen.

22. januar 2008 kunngjorde Wolfsburg at den sveitsiske landslagskeeperen hadde skrive kontrakt med dei fram til sommaren 2012. Han fekk draktnummer 1 i 2008/09-sesongen og var med på å vinna den første Bundesligatittelen til Wolfsburg nokon sinne i den sesongen. I oktober 2009 forlenga han kontrakten med Wolfsburg til 2013.

Benaglio debuterte for det sveitsiske landslaget i ein vennskapskamp mot Kina 3. juni 2006, som Sveits vann 4-1. Han var med til fotball-VM i 2006 som Sveits sin tredjekeeper, etter Pascal Zuberbühler og Fabio Coltorti. 5. februar 2008 kunngjorde den dåverande landslagssjefen Köbi Kuhn at han satsa på Benaglio som førstekeeper til fotball-EM i 2008. Han har sidan forsvart denne posisjonen.

Denne artikkelen begynte med ei omsetjing frå tysk wikipedia 9. mars 2010.