Down in the Groove
| Down in the Groove Studioalbum av Bob Dylan |
||
| Utgjeve | 30. mai 1988 | |
| Innspelt | 1983–1987 | |
| Sjanger | Rock | |
| Lengd | 32:10 | |
| Selskap | Columbia | |
| Produsent | ikkje oppført | |
| Kritikk | ||
|---|---|---|
| Bob Dylan-kronologi | ||
| Knocked Out Loaded (1986) |
Down in the Groove | Dylan & the Dead (1989) |
Down in the Groove er det 25. studioalbumet til Bob Dylan og kom ut på Columbia Records i mai 1988.
Dylan skreiv få av songane på albumet aleine og det var det andre albumet hans på rad som nesten berre fekk dårleg kritikk. Albumet kom ut i ein periode då karrieren hans var på veg nedover. Salstala var skuffande og albumet nådde berre 61. plass i USA og 32. plass i Storbritannia, medan det i Noreg nådde 7. plass.
Songen «Death is Not the End» innheldt eit samarbeid med Full Force, som då var ei populær hip-hop-gruppe frå Brooklyn. Dei medverka derimot berre med vokalharmoniar, ikkje rap. Songen vart seinare innspelt av Nick Cave i 1996. I 2007 kalla Rolling Stone Magazine Down in the Groove det verste Bob Dylan-albumet.[1]
Songen «Silvio», eit samarbeid med Grateful Dead, fekk ein viss suksess som singel.
Turneen Dylan la ut på sommaren 1988 skilde seg ut frå dei førre turneane han hadde gjort. Dylan hadde hatt med seg store band på scenen, ofte med høgt profilerte artistar som Mick Taylor, Ian McLagan, The Grateful Dead og Tom Petty and the Heartbreakers. Denne gongen sette Dylan i saman eit lite firemannsband med gitarist G.E. Smith, bassist Kenny Aaronson og trommeslagar Christopher Parker. Songutvalet vart òg langt meir dristig og ei setliste kunne endre seg totalt frå den eine konserten til den neste. Dylan turnerte særs mykje dei neste åra. Desse nesten samanhengande turnane har derfor vorte kalla «Never Ending Tour». Sjølv om Dylan har skifta ut musikarane har han halde på dette enkle formatet fram til i dag.
Innhald [endre]
Alle songar er skrivne av Bob Dylan, bortsett frå der andre er nemnde.
| # | Tittel | Lengd |
|---|---|---|
| 1. | «Let's Stick Together» (Wilbert Harrison) | 03:09 |
| 2. | «When Did You Leave Heaven?» (Walter Bullock, Richard Whiting) | 02:15 |
| 4. | «Death Is Not the End» | 05:10 |
| 5. | «Had a Dream About You, Baby» | 02:53 |
| 6. | «Ugliest Girl in the World» (Bob Dylan, Robert Hunter) | 03:32 |
| 7. | «Silvio» (Bob Dylan, Robert Hunter) | 03:05 |
| 8. | «Ninety Miles an Hour (Down a Dead End Street)» (Hal Blair, Don Robertson) | 02:56 |
| 9. | «Shenandoah» (trad. arr. Bob Dylan) | 03:38 |
| 10. | «Rank Strangers to Me» (Albert E. Brumley) | 02:57 |
| 12. | «Sally Sue Brown» (Arthur June Alexander, Earl Montgomery, Tom Stafford) | 02:29 |
Medverkande [endre]
- Michael Baird – trommer
- Peggie Blu – korvokal
- Alexandra Brown – korvokal
- Eric Clapton – gitar
- Alan Clark – keyboard
- Carolyn Dennis – korvokal
- Sly Dunbar – trommer
- Bob Dylan – gitar, munnspel, keyboard, vokal
- Nathan East – bass
- Mitchell Froom – keyboard
- Full Force – korvokal
- Jerry Garcia – vokal
- Willie Green, Jr. – korvokal
- Beau Hill – keyboard
- Randy «The Emperor» Jackson – bass
- Steve Jones – gitar
- Steve Jordan – trommer
- Danny Kortchmar – gitar
- Bobby King – korvokal
- Clydie King – korvokal
- Larry Klein – bass
- Mark Knopfler – gitar
- Brent Mydland – vokal
- Madelyn Quebec – keyboard, korvokal
- Robbie Shakespeare – bass
- Stephen Shelton – trommer, keyboard
- Paul Simonon – bass
- Henry Spinetti – trommer
- Bob Weir – vokal
- Kip Winger – bass
- Ronnie Wood – bass
Kjelder [endre]
- Denne artikkelen bygger på «Down in the Groove» frå Wikipedia på engelsk, den 3. oktober 2010.
- Wikipedia på engelsk oppgav desse kjeldene:
