Dravle
Dravle er eit norsk tradisjonelt mjølkeprodukt, kjend frå heile landet.
Ingrediensar[endre | endre wikiteksten]
Dravle er dei fleste stadene mjølk sprengd med surmjølk under koking, der ostemassen ligg i mysa.[1][2] Andre stader legg ein meir arbeid i dravlekokinga. Mjølka vert innkokt, dvs. at ein «sprenger» mjølka med løype eller kulturmjølk. Når mjølka har skilt seg, tek ein ut noko ostestoff, og lèt resten koka vidare i ein til fire timar. Deretter tilset ein ostestoffet att, og eventuelt litt fløyte. Egg, sukker og kanel er andre moglege ingrediensar.
Bruk[endre | endre wikiteksten]
Dravle kan etast frå ei vanleg suppeskål, både til kvardags og fest; varm eller kald. Han kan vera ein eigen rett og kan nyttast som dessert, til ostebord eller ein kan servera han til spekekjøt, vaflar eller lefser.[3][4]
Vossadravle[endre | endre wikiteksten]
Vossadravle er eit produkt laga av Tine SA, opphavleg ved Tine Meieriet Voss,[5] og etter at dette blei lagt ned i januar 2023[6] ved Tine Meieriet i Skjåk.[7] Ingrediensane i Vossadravle er mjølk, kulturmjølk, sukker og fløytemysost.
Sjå òg[endre | endre wikiteksten]
Kjelder[endre | endre wikiteksten]
- ↑ Andreas Ropeid
- ↑ Visted/Stigum
- ↑ Netgen, «Dravle - Meierileksikon hos Melk.no», Melk (på norsk), henta 20. mai 2023
- ↑ «Lokalmat - Dravle», www.lokalmat.no (på norsk), henta 20. mai 2023
- ↑ «Produktkatalog 2021» (PDF). tine.no. Henta 20. mai 2023.
- ↑ «TINE Meieriet Voss legges ned», TINE.no (på norsk), henta 20. mai 2023
- ↑ «Produktkatalog 2023» (PDF). tine.no. Henta 20. mai 2023.
- Påskrifta på ein boks Vossadravle.
- Andreas Ropeid: Produksjon og kosthald ved fjorden i NORVEG Folkelivsgransking 19. Norges almenvitenskapelige forskningsråd 1976.
- Kristoffer Visted og Hilmar Stigum: Vår gamle bondekultur band 2. Oslo 1970.
- Denne artikkelen bygger på «Dravle» frå Wikipedia på bokmål, den 27. mars 2011.
Bakgrunnsstoff[endre | endre wikiteksten]
- «dravle» i Store norske leksikon, snl.no.