Edvard Opdahl
| Edvard Opdahl | |
| Statsborgarskap | Noreg |
| Fødd | 22. juli 1844 Klinga |
| Død |
17. august 1934 (90 år) |
| Yrke | lensmann, handelsmannn, lærar, politikar |
| Språk | norsk |
| Politisk parti | Venstre |
Edvard Cornelius Opdahl (22. juli 1844–17. august 1934) var ein norsk handelsmann, lensmann og stortingsmann frå Klinga i Nord-Trøndelag. På tinget representerte han Venstre.
Opdahl vart sytten år gammal tilsett som hjelpelærar i heimbygda Klinga. Deretter var han eitt år på eit trelastkontor og var så åra 1863-66 handelsbetjent og huslærar i Tromsø. Han heldt fram som handelsbetjent i to nye år, då i Hammerfest. Tida 1868-81 var han styrar, såkalla faktor, av ei handelsverksemd i Talvik. Frå 1881 var han lensmann i Nesseby.
Opdahl var etter tur medlem av heradsstyra i både Talvik og i Nesseby, i sistnemnde herad i 24 år (1883-1907). 1908-10 var han fungerande leiar i jordsalkommisjonen for Finnmark. Stortingsperioden 1903-06 var han Finnmark sin 1. representant på Stortinget. Han var då medlem av Lagtinget og justiskomiteen. I 1906 var han med i Stortinget sin deputasjon til kongekroninga i Trondheim.
Kjelder[endre | endre wikiteksten]
- Lindstøl, Tallak: Stortinget og Statsraadet 1814-1914. Kristiania, 1914