Eidsvoll

Eidsvoll/Sundet

Plassering
Eidsvoll/Sundet
Eidsvoll i Akershus
Geografi
Folketal	4 198 (2011)
Folketettleik	937,1 /km²
Areal	4,48 km²
Koordinatar	60°19′49.6″N 11°15′41.7″E
Annan informasjon
Postnummer	2080 EIDSVOLL
Innbyggjarnemning	eidsvolling

Eidsvoll i Eidsvoll kommune på Romerike i Akershus er eit geografisk namn som er sett saman av ordet eid, som her opphavleg galdt ein ferdsleveg langs Sundfossen i elva Vorma sør for tettstaden Sundet, og ordet voll i tydinga eng.

Namnet Eidsvoll vert nytta om kommunen, og dessutan ofte om tettstaden Sundet, eller òg det området i kommunen på båe sider av Vorma som femner om tettstaden Sundet, jarnbanestasjonen og kyrkja. Området som lokalt har namnet Eidsvoll Verk, staden kvar Eidsvollsbygningen ligg og grunnlova vart vedteke i 1914, vert i nasjonal samanhang òg omtalt som Eidsvoll; «grunnlova vart vedteke på Eidsvoll».

Dampbåtar på Vorma framfor Eidsvoll jarnbanestasjon i 1866.

Tettstaden Sundet, eller Eidsvoll sentrum, er administrasjonssenteret i kommunen med 4 198 innbyggjarar (2011). Tettstaden ligg på austsida av elva Vorma, altså nord for Sundfossen, på den andre sida av elva i høve til Eidsvoll kyrkje og den no nedlagde Eidsvoll jarnbanestasjon på Hovedbanen og den nye Eidsvoll stasjon på Gardermobanen, omlag 3 km frå stasjonen.

Sundet var opphavleg namnet på ein tidlegare gard attmed Vorma, rydda i gamalnorsk tid. Denne garden, med matrikkelnummer 16, vart skilt ut frå garden Vilberg då Sundet vart fast ferjestad for trafikk over Vorma, før den gamle Sundbrua over elva vart bygd. No er det bygd ei ny vegbru i betong nokre hundre meter lenger sør, om lag der Andelva frå Hurdalsjøen renn ut i Vorma. Den gamle brua, som er i stål, er teke vare på som bru for fotgjengarar og syklistar.

Sjå òg

• Eidsvoll kommune
• Tettstader i Akershus

Kjelder

Mellom anna:

• Store norske leksikon, snl.no, «Eidsvoll – tettstedet»

Andre opplysningar

• Vêrvarsel for Eidsvoll, yr.no
  Denne geografiartikkelen som har med Akershus å gjere er ei spire. Du kan hjelpe Nynorsk Wikipedia gjennom å utvide han.