Eisenach
| Eisenach | |||
|---|---|---|---|
 |
|||
|
|||
| Styresmakter | |||
| Delstat | Thüringen | ||
| Oberbürgermeister | Matthias Doht (SPD) | ||
| Geografi | |||
| Flatevidd | 103,84 km² | ||
| Innbyggjarar | 43 626 | ||
| Høgd over havet | 215 m | ||
| Diverse anna | |||
| Nettstad: www.eisenach.de | |||
Eisenach er ein tysk by i Thüringen med rundt 43 600 innbyggjarar (2007). Han ligg 215 moh. på den nordvestlege skråninga av Thüringar Wald.
Innhaldsliste |
Soge [endre]
Eisenach blei grunnlagt på 1100-talet og fekk byrettar i 1283. Under eksil på Wartburg omsette Martin Luther Det nye testamentet til tysk. I 1685 blei Johann Sebastian Bach fødd i Eisenach. Slektningen hans Johann Christoph Bach og to andre store barokkomponistar, Johann Pachelbel og Georg Philipp Telemann, verka her.
Fleire møte av tyding i tysk historie har vore haldne i eller ved Eisenach, mellom anna blei det tyske sosial-demokratiske partiet (SPD) stifta her 1869.
Skildring [endre]
I sentrum av byen ligg Marktplatz, med fleire bindingsverkhus, apotek, det gamle rådhuset frå 1638 og slottet frå 1742–45 der ein finn Thüringar Museum. Borga Wartburg ligg på ei høgd 400 meter over byen. I 1999 blei borga sett opp på UNESCO si verdsarvliste. I byen finst også eit Lutherhaus til minne om Martin Luther og eit Bachhaus til minne om Bach.
Økonomi [endre]
Historisk har Eisenach hatt stor tyding for tysk bilproduksjon. Ein framstilte EMW og Wartburg i det tidlegare Aust-Tyskland, og etter gjenforeininga BMW og Opel. Industrien i byen omfattar i tillegg produksjon maskinar, kjemikaliar og elektrotekniske artiklar. Turisme er også viktig.
Bakgrunnsstoff [endre]
Kjelder [endre]
- Store norske leksikon, snl.no, «Eisenach»
- Denne artikkelen bygger på «Eisenach» frå Wikipedia på dansk, og «Eisenach» frå Wikipedia på bokmål den 24. januar 2011.
- Denne artikkelen bygger på «Eisenach» frå Wikipedia på engelsk, og «Eisenach» frå Wikipedia på svensk den 24. januar 2011.
