Eldkvede

Frå Wikipedia – det frie oppslagsverket
Gå til: navigering, søk
Eldkvede


Eldkvede eller eldkvede med mursteinsraude blomstrar.
Eldkvede eller eldkvede med mursteinsraude blomstrar.

Systematikk
Rike: Plantae
Klasse: Magnoliopsida
Orden: Rosales
Familie: Rosaceae
Underfamilie: Spiraeoideae
Tribus: Pyreae
Subtribus: Pyrinae
Slekt: Chaenomeles
Art: C. japonica
Vitskapleg namn
Chaenomeles japonica

Eldkvede (Chaenomeles japonica), somme tider omtala som småeldkvede, er ein lauvfellande busk i eldkvedeslekta i rosefamilien.

Skildring[endre | endre wikiteksten]

Den har ei vekseform som først er tett og risa, men som seinare blir overhengande og kroka. Gamle greiner er utbreidde, men unge skot er stivt opprette. Dei unge greinene ber rette greintornar. Blomstrande skot er derimot tornlause. Borken er først gråbrun, men seinare svartgrå og ru. Knoppane sit spreidde, og dei er små, runde og raudlege. Blomsterknoppane sit i knippe på små kortskot. Blada er ovale eller omvendt eggforma med sagtakka rand. Oversida er blank og mørkegrøn, medan undersida er grågrøn. Blomstrane er store, og dei spring ut kort før lauvspringet. Dei fargerike vårblomstrane kan vere raude, kvite, rosa eller fleirfarga.

Eldkvedefrukt

Frukta er gul og duftande, men òg hard og sur. Ho kan etast, men er hard. Ho er ikkje like kjent for sine eigenskapar i gelé og pai som slektningen Cydonia. Eldkvedefrukta er epleforma og inneheld raudbrune frø. Ho er kalla kusa-boke (草木瓜 kusa-boke) på japansk.

Rotnettet består av kraftige hovudrøter, som når langt ut og djupt ned. Siderøtene er fint forgreina og høgtliggande i jorda. Planta set mange rotskot.

Eldkvede er kortare enn ein annan vanleg dyrka slektning C. speciosa, og blir om lag 1 m høg.[1] Storleiken kan bli rundt 2 x 1,5 m (vekst 15 x 10 cm/år).

Blome av eldkvede.

Eldkvede er mykje nytta som hageplante, og står på norsk svartliste med vurdering som lågrisiko for uønska spreiing. Eldkvede hydridiserer med C. speciosa og dannar hybriden Chaenomeles x superba. C. japonica er ei populær plante i bonsaidyrking.[2]

Heimstad[endre | endre wikiteksten]

Skogsbryn og kratt nær skoggrensa i japanske fjell, der grunnen er grusete og næringsrik, og kor det er full sol. Frøa spirer lett i Danmark.

Sortar og hybridar[endre | endre wikiteksten]

  • Chaenomeles japonica Romsdal
  • Chaenomeles japonica Dømmesmoen
  • Chaenomeles japonica 'Ås'
  • Chaenomeles japonica 'Cido' - orange, tornefri (blir dyrka på grunn av frukta)
  • Chaenomeles x superba Hybrideldkvede
  • Chaenomeles x superba 'Crimson and Gold'
  • Chaenomeles x superba 'Nicoline' Dafo - purpurraud
  • Chaenomeles x superba 'Fire Dance'
  • Chaenomeles x superba 'Cameo'
  • Chaenomeles X superba 'Knap Hill Scarlet'
  • Chaenomeles x superba 'Pink Lady' - djuprosa
  • Chaenomeles x superba 'Texas Scarlet'
  • Chaenomeles x superba 'Andeken An Karl Ramcke'
  • Chaenomeles x superba 'Jet Trail’ - kvit

Kjelder[endre | endre wikiteksten]

Referansar[endre | endre wikiteksten]

  1. Bailey, L.H.; Bailey, E.Z.; the staff of the Liberty Hyde Bailey Hortorium. 1976. Hortus third: A concise dictionary of plants cultivated in the United States and Canada. Macmillan, New York.
  2. D'Cruz, Mark. «Ma-Ke Bonsai Care Guide for Chaenomeles japonica». Ma-Ke Bonsai. http://makebonsai.com/guide/bonsailink.asp?quicklink=5062&name=Chaenomeles_japonica. Henta 2011-07-08.