Elista

Elista Элиста
Flagget til Elista Byvåpenet til Elista
Plassering
Styresmakter
Land	Russland
Føderasjonssubjekt	Kalmykia
Grunnlagd Bystatus	1865 1930
Borgarmeister	Radi Burulov
Geografi
Flatevidd  - By	208 km²
Innbyggjarar  - Totalt (2007)    - folketettleik	102 700   493,8 /km²
Koordinatar	46°19′00″N 44°16′00″E
Høgd over havet	120 moh
Diverse annan informasjon
Postnummer	3580xx
Retningsnummer (tlf)	(+7)84722
Nettstad: www.elista.org

Elista (russisk Элиста́, kalmykisk Элст – Elst) er hovudstad i Republikken Kalmykia i Russland med om lag 105 000 innbyggjarar. Han ligg 1200 km sør-søraust for Moskva.

Byen er kjent som eit særs viktig sentrum innan sjakk. Store turneringar har vorte halde her.

Historie

Monument til minne om ofra for deportasjonen i 1943

Elista vart grunnlagt i 1865 som ein mindre busetnad. I november 1920 vart Elista administrativt senter for Den kalmykiske autonome oblast. Innan tidleg på 1930-talet var Elista forandra til ein liten by sidan kollektiviseringspolitikken til Josef Stalin tvinga mange kalmykar til å gje opp den tradisjonelle nomadiske livsstilen sin til fordel for ein fastbuande og urban livsstil. I oktober 1935 vart Elista utnemnt som hovudstad i Den kalmykiske ASSR.

27. desember 1943, vart Den kalmykiske ASSR oppløyst og dei etniske kalmykane i republikken vart tvangsdeportert til Sibir. Russarar vart frakta til Elista for å folkesetje byen på ny og namnet vart endra til Stepnoj (russisk: Степно́й). Byen heitte Stepnoj til 1957, då dei overlevande etter deportasjonane fekk løyve til å kome tilbake frå eksil.

Attraksjonar

Etter 1991 har byen vore karakterisert av det sakte forfallet til sovjet-bygde institusjonar og dei store byggeprosjektene sett i gang av millionær-presidenten Kirsan Iljumzjinov.

Bysentrumet har mange renoverte offentlege parkar sentrert rundt hovudtorget, med statuar av både Lenin og Buddha. Aust for byen ligg «Olympialandsbyen» frå den 33. sjakkolympiaden i 1998, lokalt kjent som «Sjakkbyen». Staden har mellom anna eit museum av kalmykisk buddhistisk kunst og han vert stundom nytta som konferansesenter.

Under vitjinga si i 1998, valde Dalai Lama ein stad vest for bysenteret for bygginga av eit nytt buddhisttempel for innbyggjarane. Det vart opna i desember 2005.

Næringsliv

Byen fungerer som forvaltings-, utdannings- og handelssentrum. Industrielt er berre næringsmiddelhandsaming viktig.

Transport

Elista har ei mindre regional lufthamn, med ruter til Moskva og byar sør i Russland.

Det går jernbanelinje frå Elista sørover til Stavropol og vegsamband til Volgograd og Astrakhan.

Fotogalleri

• 

  Geden Sjeddup Tsjoikorling-klosteret

• 

  Det gyldne tempelet

• 

  Ein Buddha i Elista

• 

  «Den gamle kvite mannen»

Bakgrunnsstoff

Commons har multimedia som gjeld: Elista

• Informasjonsportal for Elista
• Webkamera frå Leninplassen

Kjelder

• Denne artikkelen bygger på «Elista» frå Wikipedia på bokmål, den 7. januar 2009.

Byar i Kalmykia
Hovudstad: Elista
Gorodovikovsk · Lagan