Erik Arnesson Riisnæs

Erik Arnesson Riisnæs
	Erik Arnesson Riisnæs
Fødd	12. april 1819
Død	13. februar 1881 (61 år)
Statsborgar av	Noreg
Yrke	politikar
Alle verv	stortingsrepresentant (1857–1858); vararepresentant til Stortinget (1854–1856); stortingsrepresentant (1859–1861); stortingsrepresentant (1862–1864); stortingsrepresentant (1865–1867); stortingsrepresentant (1868–1870); stortingsrepresentant (1871–1873); vararepresentant til Stortinget (1877–1879); vararepresentant til Stortinget (1880–1882) ;

Erik Arnesson Riisnæs (12. april 1819–13. februar 1881) var ein norsk lærar, gardbrukar og stortingsmann frå Masfjorden.

Far hans var gardbrukar på Risnes i Masfjorden, og kyrkjesongar i prestegjeldet. Sjølv gjekk han årleg 8-14 dagar i skule og vart elles undervist av faren og ei bestemor. I 1835 vart han skulehaldar i Lindås sokn og tre år seinare lærar i fastskulen i fiskeværet Fedje. I 1839 tok han til på seminaret på Stord, eksamen derifrå i 1841. Han vart omgåande tilsett som lærar og kyrkjesongar i Sandnes sokn i 1841 , og tok noko etter over farsgarden Risnes. Han vart i 1880 lensmann i Lindås.

Riisnæs representerte Søndre Bergenhus amt på Stortinget frå 1857 til 1873. Han var medlem av vegkomiteen 1857, 1859-60 og sekretær i same 1862-63, 1865-73. Vidare var han sekretær i jarnbanekomiteen på omframstortinget 1864 og medlem i same komiteen i 1871. Han var medlem av Lagtinget og valkomiteen 1868-73, i 1869 medlem av røysterettskomiteen.

Han døydde på garden sin i 1881.

Kjelder[endre | endre wikiteksten]

Lindstøl, Tallak: Stortinget og Statsraadet 1814-1914. Kristiania, 1914