Erik Haagensen Jaabæk
| Erik Haagensen Jaabæk | |
| Statsborgarskap | Noreg |
| Fødd | 6. desember 1761 Øyslebø |
| Død | |
| Yrke | bonde, politikar |
| Språk | norsk |
Erik Haagensen Jaabæk (6. desember 1761–4. januar 1845) var ein lærar, gardbrukar, handelsmann, og eidsvollsmann frå Øyslebø i Vest-Agder.
Jaabæk var frå garden Usland i Øyslebø. Han var i om lag 20 år skulehaldar i Holme og Øyslebø. Deretter tok han over farsgarden, men garden vart så teken frå han med odel. I 1802 kjøpte han garden Jåbekk i Holme og busette seg der. Han var ein driftig kar, og dreiv handel med både trelast og ullvarer. Varene kjøpte han på marknader, og selde dei vidare i heimbygda. Elles var han aktiv som smed og bøkker.
Jaabæk var i årevis prestens medhjelpar. I 1814 vart han vald til 2. utsending frå Mandals amt til riksforsamlinga på Eidsvoll. Han høyrde til unionspartiet.
Bakgrunnsstoff[endre | endre wikiteksten]
- Biografisk informasjon om Erik Haagensen Jaabæk NSD Norsk senter for forskningsdatas politikararkiv
- Eidsvoll 1814
- Slektshistorie fra eskeland.net Arkivert 2007-10-07 ved Wayback Machine.
Kjelde[endre | endre wikiteksten]
- Tallak Lindstøl: Stortinget og Statsraadet 1814-1914. Kristiania, 1914