Etnedal kommune

Etnedal kommune
Komm.nr.	0541
Fylke	Oppland
Adm.senter	Bruflat
Areal	458 km²
Folkemengd	1 405 (1. jan 2012)
Politikk
Ordførar (2007-2011)	Jan Arild Berg (Sp)
Målform	Nøytral
Nettstad	www.etnedal.kommune.no
Folketalsutvikling 1951-2010
Etnedal kommune på Commons

Etnedal kommune ligg i Oppland fylke og grensar i aust mot Nordre Land, i sør mot Sør-Aurdal, og i vest og nord mot Nord-Aurdal.

Kommunen er den austlegaste i landskapet Valdres og blei oppretta 1894 ved at Bruflat sokn frå Sør-Aurdal og Nord-Etnedal sokn frå Nord-Aurdal blei slegne saman til den nye Etnedal kommune.

Geografi

Elva Etna renn frå innsjøen Steinsetfjorden vest i kommunen, forbi Bruflat, før den passerer Lunde bru, Høljarast bru og helleristingane ved Møllerstufossen og renn ut i Randsfjorden. Elva er ikkje regulert.

Næringsliv

Hovudnæringane i kommunen er husdyrhald og skogbruk, men det er også aktivitet innanfor industri og turisme.

Tusenårsstad

Kommunens tusenårsstad er kommunesenteret Bruflat. Her er det laga ein park ved omsorgsbustadene, og kommunen skal etterkvart forsøke å få oppført eit lite bygdetun med gamle hus for aktivitetar.

Ting å sjå

Lunde Bru

• Lunde bru, som er attgjeven på kommunevåpenet. Den er Nord-Europas lengste steinkvelvsbru, og blei bygd i 1829 som ein del av den gamle kongevegen til Bergen. I 1992 blei ein del av denne vegen oppussa og er nå i bruk som naturstig og turveg.
• Høljarast bru, krigsminnesmerke.

Bakgrunnsstoff

• Kultur i Etnedal på kart frå Kulturnett.no