Etoloakarnanía

Periferieininga Etoloakarnanía Περιφερειακή ενότητα Αιτωλοακαρνανίας

Periferi	Vest-Hellas
Hovudstad	Mesolóngi
Folketal	223 188 (2005) Rangering 8.
Areal	5 461 km² Rangering 1.
Folketettleik	41/km²
Kommunar	7
Postnummer	30x xx
Retningsnummer	263x0, 264x0
Bilnummer	AI, ME
Heimeside	www.aitoloakarnania.gr

Periferieininga Etoloakarnanía (gresk Περιφερειακή ενότητα Αιτωλοακαρνανία, Periferiakí enótita Etoloakarnanías) er ei periferieining i Hellas i periferien Vest-Hellas. Hovudstaden i periferieininga er Mesolóngi av historiske årsaker, men den største byen og det økonomiske senteret er Agrínio. Tilgrensande periferieiningar er Árta i nord, Evrytanía i nordaust, Fokída i søraust og Fthiótida i aust. Området er i dag òg forbunde til Préveza med tunnel under munningen av Amvrakiabukta (Ártabukta) og til Akhaía og Peloponneshalvøya via Río-Andírio-brua.

Innhaldsliste

Den lengste elva er Akhelóos, som renn gjennom ein frodig dal. Den nest lengste elva er Évinos. Andre elvar er Ermítsa, Ínakhos og Mórnos. Av fjell finn ein Panetolikó i nordaust, Akarnanikó og Váltos i nordaust, Makrynóros heilt i nord, Nafpaktíafjella i søraust, Arákynthos og Krávara i sør og Lidoríki.

Av innsjøar finn ein Lysimakhíasjøen, Ozeróssjøen og Trikhonídasjøen. Reservoaret Kremastá har vore den største kunstige innsjøen i Hellas sidan 1970.

Området vart ein del av Hellas under den greske sjølvstendekrigen i 1821. I hundreåra før dette var det okkupert av Det osmanske riket. I starten inkluderte prefekturet óg Evrytanía, før det vart skild ut til eit eige prefektur.

Tidlegare var Arkadía eit prefektur. Frå 2011 er periferieininga delt inn i sju kommunar.

Denne artikkelen er basert på ei omsetjing av artikkelen Aetolia-Acarnania frå Engelsk Wikipedia .