Eurovision Song Contest 2010

Eurovision Song Contest 2010
Share the Moment
Dato
Semifinale 1	25. mai 2010
Semifinale 2	27. mai 2010
Vertskap
Stad	Telenor Arena; Bærum i Noreg
Programleiarar	Erik Solbakken, Haddy N'jie og Nadia Hasnaoui
Kringkastar	NRK
Varigskap
Opningsnummer
Finalen	«Fairytale» av Alexander Rybak
Pausenummer
Semifinale 1	Film om menneskelege lydar
Semifinale 2	Korleis ein gut kom seg til konsertarenaen og breakdance
Finalen	«Glow» av Madcon med førehandsinnspelte klipp av dansande flash mob-ar frå ulike stader i Europa.
Bidrag
Attende	Georgia
Trekte seg	Andorra; Montenegro; Tsjekkia; Ungarn
Kart
	;
	██ Land som deltok i tevlinga ██ Land som ikkje kvalifiserte seg til finalen ██ Land som ikkje deltok i tevlinga
Røysting
Eurovision Song Contest

Eurovision Song Contest 2010 (ESC 2010) var den 55. gongen Eurovision Song Contest vart arrangert. Tevlinga vart halden i Telenor Arena i Bærum i Noreg. Den fyrste semifinalen fann stad tysdag 25. mai 2010, den andre semifinalen fann stad torsdag 27. mai 2010 og finalen fann stad laurdag 29. mai 2010. Tyskland vann tevlinga med songen «Satellite», sungen av Lena.

Under finalen i Eurovision Song Contest 2009 vart det igjen brukt nasjonale fagjuryar i tillegg til telefonrøysting, der røystene til fagjuryane og telefonrøystene i utgangspunktet skulle telje like mykje. Frå og med 2010 vil dette systemet òg takast i bruk under semifinalane. Totalt 39 land deltok i tevlinga: Georgia kom attende etter ikkje å ha delteke i 2009, medan Andorra, Tsjekkia, Ungarn og Montenegro trekte seg. Litauen kunngjorde fyrst at dei ikkje kom til å delteke, men stod seinare på lista over stadfesta deltakarland kunngjort av Den europeiske kringkastingsunionen (EBU).

[endre] Arrangement

Telenor Arena.

Dåverande statsråd i kulturdepartementet Trond Giske og kringkastingssjef Hans-Tore Bjerkaas vart samde om eit budsjett på rundt 150 millionar kroner, noko som er om lag 130 millionar kroner mindre enn busjettet til Moskva frå 2009, men 50 millionar meir enn Helsingfors då Finland arrangerte tevlinga i 2007. Dette estimatet vart seinare justert til 211 millionar kroner.

Det vart tidleg slått fast av Norsk rikskringkasting (NRK) at ein kom til å nytte ein allereie eksisterande arena, og at det ikkje ville verte bygd noko nytt i samband med arrangementet. EBU gav NRK og kulturministaren melding om at det vart stillt strenge krav til arena, noko som gjorde Tromsø, Bergen, Trondheim og Stavanger uaktuelle som arrangørbyar, sjølv om desse byane viste interesse for å arrangere tevlinga. Dimed sto valet mellom Telenor Arena på Fornebu i Bærum og Oslo Spektrum i Oslo. 3. juli 2009 vart det avgjort at tevlinga skulle arrangerast i Telenor Arena.

Finalen vart arrangert 29. mai med semifinalar 25. og 27. mai. Opphavleg dato for finalen var 22. mai med semifinalar 18. og 20. mai, men dette vart endra, då 22. mai òg er dato for finalen i Mesterligaen.

[endre] Programleiarar

Programleiarar for tevlinga var Nadia Hasnaoui, Erik Solbakken og Haddy N'jie.

Norske medium starta tidleg å spekulere i moglege kandidatar til programlederjobbene. Jon Almaas og Fredrik Skavlan frå høvesvis Nytt på nytt og Skavlan var mellom dei som vart nemnt hyppigast, medan duoen Thomas Numme og Harald Rønneberg vann ei avrøsting der Dagbladet spurde kva for kjendisar ein helst ville ha som programleiarar. Dorthe Skappel, som enda på andreplass i Dagbladet si kåring, viste interesse for å verte programleiar.

På ein pressekonferanse 10. mars 2010 offentliggjorde NRK at Eurovision Song Contest 2010 skulle leiast av Erik Solbakken, Haddy N'jie og Nadia Hasnaoui. Programleiarane opna og avslutta sendingane i fellesskap, men hadde ulike oppgåver undervegs. Medan Solbakken og N'jie sto for kontakten med deltakarane, hadde Hasnaoui ansvaret for avrøstinga. Dette var andre gongen i historia til tevlinga ein hadde fleire enn to programleiarar; fyrste gongen var i 1999.

[endre] Pauseinnslag

Pauseinnslaget i den fyrste semifinalen var ein film om menneskelege lydar, medan den andre semifinalen sitt pauseinnslag handla om korleis ein gut kom seg til konsertarenaen, der han deltok i ein oppvisning i breakdance. Pauseinnslaget i finalen besto mellom anna av førehandsinnspelte klipp av dansande flash mob-ar frå ulike stader i Europa, og dessutan direkteoverføring frå Hamburg. Klipp frå fjernsynsstover i alle deltakarland direkte via nettkamera var òg med. Publikum i salen deltok òg i dansen. Den norske rapgruppa Madcon song songen «Glow» som ein del av pauseinnslaget.

[endre] Avrøsting

EBU vidareførde ordninga med både jury- og telefonrøyster som vart introdusert under finalen i Eurovision Song Contest 2009. I 2010 vart dette systemet òg teke i bruk under semifinalane. Kvart land hadde ein nasjonal fagjury som gav poeng i valørane 12, 10 og 8–1 til sine favorittbidrag. Røystene til juryen vart kombinert med resultatet frå telefonavrøstinga ved at dei ti bidraga som mottok flest telefonrøystar, òg fekk poeng i valørane 12, 10 og 8–1. Dei ti bidraga som til saman hadde fått flest røyster då jury- og telefonrøystene vart lagt saman, mottok poeng frå landet. Ved eventuell røystelikskap skulle telefonrøystene vege tyngst.

Dette året kunne ein røyste frå før fyrste land hadde framførd til om lag 15 minutt etter at siste bidrag var framførd. Tidlegare kunne ein berre røyste i om lag 15 minutt etter at eit land hadde framførd.^[1]

[endre] Orkester

Ei gruppe på nettsamfunnet Facebook som hadde som mål at det skulle nyttast orkester under Eurovision Song Contest 2010, oppnådde nærare 5000 medlemmar. Det vart nytta orkester i tevlinga frå starten i 1956 til og med 1998. Sidan Eurovision Song Contest 1999 har ein som fylgje av den tekniske utviklinga innan musikkindustrien valt å nytte forhandsinnspelte lydspor i staden. Debatten om framtida til orkestret i tevlinga har versert sidan, men EBU ytra ikkje noko ynskje om å endre på den noverande ordninga. Jan Fredrik Heyerdahl frå Kringkastingsorkestret sa at orkestret var interessert i å bidra i tevlinga, om EBU og NRK samtykte.

[endre] Fordeling av semifinaleplassar

Sundag 7. februar 2010 vart det halde ei trekning som avgjorde kva for land som skulle delteke i kvar av dei to semifinalane. Deltakarlanda vart fordelt i fem ulike grupper basert på røystemønstrane frå tidlegare tevlingar. Det vart òg avgjord i kva for ein halvdel av semifinalen dei respektive landa kom til å framføre – dette for at delegasjonane skulle vita når øvingane starta. Det vart òg avgjord i kva for semifinalar vertslandet Noreg og «Dei fem store», Storbritannia, Frankrike, Spania og Tyskland, som alle var førehandskvalifiserte til finalen, skulle vere med og røyste. Den endelege rekkjefylgja for fremføringane vart trekt 23. mars 2010. Her vart det òg avgjord i kva for ei rekkjefylgje landa skulle presentere røystene sine under finalen.

Gruppe 1	Gruppe 2	Gruppe 3	Gruppe 4	Gruppe 5
Albania Bosnia-Hercegovina Kroatia Makedonia Serbia Slovenia Sveits	Danmark Estland Finland Island Latvia Litauen Sverige	Aserbajdsjan Kviterussland Georgia Israel Moldova Russland Ukraina	Armenia Belgia Kypros Hellas Malta Nederland Tyrkia	Portugal Irland Polen Portugal Romania Slovakia

[endre] Bidraga

[endre] Semifinale 1

Den fyrste semifinalen vart halden 25. mai 2010 i Telenor Arena.
Moldova, Russland, Serbia, Bosnia-Hercegovina, Belgia, Albania, Hellas, Portugal, Kviterussland og Island gjekk vidare til finalen.

#	Land	Artist	Song	Språk	Poeng	Plass
01	Moldova	SunStroke Project og Olia Tira	«Run Away»	Engelsk	052	10
02	Russland	Peter Nalitch and Friends	«Lost and Forgotten»	Engelsk	074	07
03	Estland	Malcolm Lincoln og Manpower 4	«Siren»	Engelsk	039	14
04	Slovakia	Kristína Peláková	«Horehronie»	Slovakisk	024	16
05	Finland	Kuunkuiskaajat	«Työlki ellää»	Karelsk	049	11
06	Latvia	Aisha	«What For?»	Engelsk	011	17
07	Serbia	Milan Stanković	«Ovo je Balkan»	Serbisk	079	05
08	Bosnia-Hercegovina	Vukašin Brajić	«Thunder and Lightning»	Engelsk	059	08
09	Polen	Marcin Mroziński	«Legenda»	Engelsk og polsk	044	13
10	Belgia	Tom Dice	«Me and My Guitar»	Engelsk	167	01
11	Malta	Thea Garrett	«My Dream»	Engelsk	045	12
12	Albania	Juliana Pasha	«It's All About You»	Engelsk	076	06
13	Hellas	Jórgos Alkaíos and Friends	«ÓPA!»	Gresk	133	02
14	Portugal	Filipa Azevedo	«Há dias assim»	Portugisisk	089	04
15	Makedonia	Gjoko Taneski, Billy Zver og Damjan Pejčinoski	«Jas ja imam silata»	Makedonsk	037	15
16	Kviterussland	3+2	«Butterflies»	Engelsk	059	09
17	Island	Hera Björk	«Je ne sais quoi»	Engelsk og fransk	123	03

[endre] Semifinale 2

Den andre semifinalen vart halden 27. mai 2010 i Telenor Arena.
Armenia, Israel, Danmark, Aserbajdsjan, Ukraina, Romania, Irland, Kypros, Georgia og Tyrkia gjekk vidare til finalen.

Nr.	Land	Artist	Song	Språk	Plass	Poeng
1.	Litauen	InCulto	«East European Funk»	Engelsk	12	44
2.	Armenia	Eva Rivas	«Apricot Stone»	Engelsk	6	83
3.	Israel	Harel Skaat	«Milim»	Hebraisk	8	71
4.	Danmark	Christina Chanée & Tomas N'evergreen	«In a Moment Like This»	Engelsk	5	101
5.	Sveits	Michael von der Heide	«Il Pleut de L'or»	Fransk	17	2
6.	Sverige	Anna Bergendahl	«This Is My Life»	Engelsk	11	62
7.	Aserbajdsjan	Safura Alizadeh	«Drip Drop»	Engelsk	2	113
8.	Ukraina	Alyosha	«Sweet People»	Engelsk	7	77
9.	Nederland	Sieneke	«Ik ben verliefd (Sha-la-lie)»	Nederlandsk	14	29
10.	Romania	Paula Seling & Ovidiu Cernăuţeanu	«Playing with Fire»	Engelsk	4	104
11.	Slovenia	Ansambel Roka Žlindre & Kalamari	«Narodnozabavni rock»	Slovensk	16	6
12.	Irland	Niamh Kavanagh	«It’s for You»	Engelsk	9	67
13.	Bulgaria	Miroslav Kostadinov	«Ангел си ти» («Angel si ti»)	Bulgarsk	15	19
14.	Kypros	Jon Lilygreen & The Islanders	«Life Looks Better in Spring»	Engelsk	10	67
15.	Kroatia	Feminnem	«Lako je sve»	Kroatisk	13	33
16.	Georgia	Sopho Nizharadze	«Shine»	Engelsk	3	106
17.	Tyrkia	maNga	«We Could Be the Same»	Engelsk	1	118

[endre] Finalen

Finalen vart halden 29. mai 2010 i Telenor Arena i Bærum. Tyskland vann tevlinga for andre gong. Berre «Dei fire store» var direktekvalifisert til finalen. I tillegg til desse deltok dei 10 beste frå kvar semifinale. Spania fremførde sitt bidrag to gongar fordi den kjende avbrytaren Jimmy Jump løp opp på scena.

#	Land	Artist	Song	Språk	Poeng	Plass
01	Aserbajdsjan	Safura	«Drip Drop»	Engelsk	145	5
02	Spania	Daniel Diges	«Algo pequeñito»	Spansk
03	Noreg	Didrik Solli-Tangen	«My Heart Is Yours»	Engelsk	035	20
04	Moldova	SunStroke Project og Olia Tira	«Run Away»	Engelsk	027	22
05	Kypros	Jon Lilygreen og The Islanders	«Life Looks Better in Spring»	Engelsk	027	21
06	Bosnia-Hercegovina	Vukašin Brajić	«Thunder and Lightning»	Engelsk	051	17
07	Belgia	Tom Dice	«Me and My Guitar»	Engelsk	143	06
08	Serbia	Milan Stanković	«Ovo je Balkan»	Serbisk	073	13
09	Kviterussland	3+2 og Robert Wells	«Butterflies»	Engelsk	018	24
10	Irland	Niamh Kavanagh	«It's for You»	Engelsk	025	23
11	Hellas	Jórgos Alkaíos and Friends	«ÓPA!»	Gresk	140	08
12	Storbritannia	Josh Dubovie	«That Sounds Good to Me»	Engelsk	010	25
13	Georgia	Sofia Nizharadze	«Shine»	Engelsk	136	09
14	Tyrkia	maNga	«We Could Be the Same»	Engelsk	170	02
15	Albania	Juliana Pasha	«It's All About You»	Engelsk	062	16
16	Island	Hera Björk	«Je ne sais quoi»	Engelsk og fransk	041	19
17	Ukraina	Alyosha	«Sweet People»	Engelsk	108	10
18	Frankrike	Jessy Matador	«Allez Ola Olé»	Fransk	082	12
19	Romania	Paula Seling og Ovi	«Playing with Fire»	Engelsk	162	03
20	Russland	Peter Nalitch and Friends	«Lost and Forgotten»	Engelsk	090	11
21	Armenia	Eva Rivas	«Apricot Stone»	Engelsk	141	07
22	Tyskland	Lena	«Satellite»	Engelsk	246	01
23	Portugal	Filipa Azevedo	«Há dias assim»	Portugisisk	043	18
24	Israel	Harel Skaat	«Milim»	Hebraisk	071	14
25	Danmark	Chanée og N'evergreen	«In a Moment Like This»	Engelsk	149	04
02	Spania	Daniel Diges	«Algo pequeñito»	Spansk	068	15