Førdehuset

Førdehuset sett frå Hafstadfjellet

Foto: Eirik U. Birkeland

Førdehuset er eit regionalt kulturhus i Førde på 17 500 m². Kulturhuset vart bygd som ein del av satsinga på Førde som vekstsenter, og stod ferdig i 1976. I 1996 vart det utvida frå 12 000 m² til 17 500 m².

Huset vart teikna av arkitekten Peder Ristesund.

Bygget inneheld ei rekkje kulturtibod, som Førde bibliotek, Sogn og Fjordane fylkesbibliotek, kunstnarsenteret i fylket, idrettshall, symjehall, kino, Sogn og Fjordane Teater, i tillegg til kontora til kulturetaten i Førde kommune, Reisemål Sunnfjord og Førde Internasjonale Folkemusikkfestival. Førde stadion er også tilknytt Førdehuset.

Store årlege arrangement i Førdehuset

• Førdefestivalen
• Krimfest Sunnfjord
• Førde Cup
• Gjør din bolig Bedre messa
• KFUK-KFUM Nattcup
• Bil i Førde messa
• Konsertar, show, skodespel m.m.

Litteratur

• Torkjell Djupedal. Førde - kulturhistorisk vegvisar, Selja forlag, 1998

Bakgrunnsstoff

• Offisiell nettstad
  Denne samfunnsartikkelen som har med Vestland å gjere, er ei spire. Du kan hjelpe Nynorsk Wikipedia gjennom å utvide han.