FIDA
| FIDA | |||
| Land | Palestina | ||
|---|---|---|---|
| Grunnlagt | 1990 | ||
| Hovudkvarter | Palestina | ||
| Ideologi | vitenskapelig sosialisme, arabisk nasjonalisme, sekularisme  | ||
| Politisk posisjon | venstresida | ||
FIDA er eit palestinsk politisk parti, som arbeider innanfor PLO. På norsk tyder det offisielle namnet Al-Ittihad al-Dimuqrati al-Filastini omtrent «Palestinas demokratiske union».
Historie[endre | endre wikiteksten]
FIDA vart skipa i 1990 ved ei kløyving i organisasjonen DFLP, der FIDA tok eit meir moderat standpunkt i den israelsk-palestinske konflikten. FIDA har prøvd å etablere seg som eit sekulært og demokratisk venstresidealternativ i palestinsk politikk.
FIDA har eit ungdomsforbund, kvinnegrupper og faglege grupper, men ingen væpna fløy – ulikt mange andre palestinske politiske organisasjonar.
Slagordet til FIDA er fridom, sjølvstende, rett til å vende tilbake, demokrati og sosialisme. Partiet presenterer seg som eit sekulært demokratisk-sosialistisk parti. FIDA er SV sin hovudsamarbeidspartner mellom dei palestinske partia.
FIDA går inn for ei tostats-løysing basert på den grøne linja, det vil seie dei israelske grensene frå før 1967. Dei vil ha Aust-Jerusalem som hovudstad i eit sjølvstendig Palestina.
Ved valet i 2006 samarbeidde FIDA med DFLP og Det palestinske folkepartiet (PPP) i alliansen Alternativ (al-Badeel). Dei fekk om lag tre prosent av stemmene, og har to representantar i nasjonalforsamlinga.
Kjelder[endre | endre wikiteksten]
- Denne artikkelen bygger på «en:» frå Wikipedia på engelsk, den 30. juni 2007.
