Fiskeørn

Frå Wikipedia – det frie oppslagsverket

Fiskeørn
Fiskeørn klar til å stupe etter fangst.
Systematikk
Rike:	Animalia
Rekkje:	Chordata
Klasse:	Aves
Orden:	Falconiformes
Familie:	Pandionidæ
Slekt:	Pandion
Art:	P. haliætus
Vitskapleg namn
Pandion haliætus Linné, 1758

Fiskeørn (Pandion haliætus) er den einaste medlemmen i familien fiskeørnar (Pandionidæ). Ho er ein mellomstor rovfugl som lever nesten berre av fisk som ho tar i vassoverflata. Fiskeørna finst på alle kontinenta på jorda unntatt Antarktis. I Sør-Amerika lever ho som trekkfugl som ikkje hekkar.

Utsjånaden gjer at fuglen er lett å identifisere. Ørna har ljos (nesten kvit) underside med tydeleg markerte mørke «knokar» ved framkanten til vengene, svart nakke og overside av vengene.

Fiskeørna er veltilpassa levesettet sitt, med yttertær som vender bakover, nasebor som kan stengast og kvasse klør som hjelper ho til å halde fast fanga byte. Når bytet er fanga blir det alltid halde med hovudet framåt, så luftmotstanden skal vera minst mogleg.

Fiskeørna blir 55-60 cm lang, med eit vengespenn på 145-170 cm. Ho veg 1200-2000 gram.

Fiskeørna er freda i Noreg.