Flora kommune
| Flora kommune | |||
| kommune | |||
|
|||
| Land |  Noreg
| ||
|---|---|---|---|
| Fylke | Sogn og Fjordane | ||
| Adm.senter | Florø | ||
| Areal | 692 km² | ||
| - land | 647 km² | ||
| - vatn | 45 km² | ||
| Målform | nynorsk | ||
| Ordførar | Ola Teigen (Ap) | ||
| Kommunenr. | 1401 | ||
 Flora kommune 61°36′00″N 5°02′00″E / 61.6°N 5.0333333333333°E | |||
 | |||
| Wikimedia Commons: Flora, Norway | |||
| Nettstad: www.flora.kommune.no | |||
Flora er ein tidlegare norsk bykommune i Sogn og Fjordane fylke. Han omfatta fleire øyar, halvøyar og fjordar som Eikefjorden og Norddalsfjorden. 1. januar 2020 vart han slegen saman med Vågsøy til Kinn kommune.
Florø, som var administrasjonssenter i kommunen, er òg den vestlegaste byen i Noreg. «Havet sitt sølv», silda, var lenge hovudnæringa for Flora og Florø, og ein finn igjen fisken i kommunevåpenet.
Kommunen har eit aktivt og variert kulturliv med kulturskule og musikk-, kor- og revymiljø. Kinnaspelet vert framført kvart år på sagaøya Kinn. Sildebord og rockefestival er andre trivelege aktivitetar å få med seg. I tillegg har Flora idrettshall, symjehall, fotballbanar, løkker og eit mylder av idretts- og fritidsorganisasjonar.
Helleristingane i Ausevika og Kystmuseet i Sogn og Fjordane gjev eit historisk perspektiv. Flora er fleire gonger kåra til den trivelegaste bykommunen i landet, og fekk utdelt Miljøbyprisen i 1998.
Næringslivet i kommunen er eksportretta, og hovudnæringane er fiskeindustri, skipsbygging, forsyningsbase for oljeindustrien og servicenæring. Innbyggjarane i kommunen skapar verdiar som ligg fleire gonger over landsgjennomsnittet.
Flyplassen Florø lufthamn ligg i kommunen.
Høge fjell[endre | endre wikiteksten]
- Blåbreen , 1385 moh., grensetriangel mellom Flora, Bremanger og Gloppen.
- Risekeipen, 1365 moh., grensepunkt mellom Flora og Bremanger.
- Storebottsnipa, 1206 moh.
Bygder[endre | endre wikiteksten]
Tettstader[endre | endre wikiteksten]
Folketalsutvikling[endre | endre wikiteksten]
Flora var den største kommunen i Sogn og Fjordane etter folketal frå kommunesamanslåinga i 1964 og fram til 2007, då Førde kommune vart større.
Folketalsutvikling for noverande Flora kommune frå 1920:
| 1.12.1920[1] | 1.12.1930[2] | 3.12.1946[2] | 1.1.1951[3][4][5][6] | 1.1.1961[3][4][5][6] | 1.1.1971[3] | 1.1.1981[3] | 1.1.1991[3] | 1.1.2001[3] | 1.1.2010[3] |
|---|---|---|---|---|---|---|---|---|---|
| 6277a | 6361a | 6759a | 7070a | 7654a | 8118 | 9138 | 10 064 | 11 298 | 11 586 |
- a Talet omfattar den delen av gamle Bru kommune som låg sør for Førdefjorden, som ved kommunesamanslåinga i 1964 vart del av Askvoll kommune. Dette området hadde då 92 innbyggjarar. Talet omfattar ikkje Steindal krins, som var ein del av gamle Vevring kommune før han vart del av Flora kommune i 1964. Denne krinsen hadde då 25 innbyggjarar. Talet omfattar heller ikkje området rundt Husefest og Breivik, som var ein del av Bremanger kommune før det vart del av Flora kommune i 1964. Dette området hadde då ni innbyggjarar.
Kjende personar frå Flora[endre | endre wikiteksten]
- Kong Eirik Blodøks, (ca. 895-954), konge av Noreg 933-935
- Johan Ernst Welhaven Sars, (1835-1917), professor (historie) og politikar (V)
- G.O. Sars (1837-1927), marinbiolog
- Thor Solberg, (1893-1967), flypioner som var første nordmann som flaug frå USA til Noreg
- Albert Joleik, (1880-1968), bladmann (journalist), lokalhistorikar og målmann.
- Saxe Bjørkedal, (f. 1926), kystkulturberar
- Magne Føleide (f. 1937), noregsmeister i friidrett, sleggjekast
- Idar Stegane (f. 1940), professor emeritus (nordisk litteratur) ved UiB
- Øyvind Alsaker (f. 1965), fotballkommentator (Tv2)
- Margunn Humlestøl Haugenes (f. 1970), olympisk meister i fotball (Sommar-OL 2000)
- Eivind Stavang (f. 1982), hekkeløpar og NM-vinnar.
Bakgrunnsstoff[endre | endre wikiteksten]
- Floranett Arkivert 2007-09-29 ved Wayback Machine.
- Floraportalen.net Arkivert 2010-04-18 ved Wayback Machine.
- Nrk om Flora kommune Arkivert 2005-04-07 ved Wayback Machine.
Fotnotar[endre | endre wikiteksten]
- ↑ Statistisk årbok for kongeriket Norge 40de årgang, 1920 (Det statistiske centralbyrå, 1921)
- ↑ 2,0 2,1 Statistisk årbok for Norge 69. årgang, 1950 (Statistisk sentralbyrå, 1950)
- ↑ 3,0 3,1 3,2 3,3 3,4 3,5 3,6 Folkemengd i Flora 1. januar kvart år frå 1951, frå Statistisk sentralbyrå
- ↑ 4,0 4,1 Folkemengd i Eikefjord 1. januar kvart år frå 1951, frå Statistisk sentralbyrå
- ↑ 5,0 5,1 Folkemengd i Bru 1. januar kvart år frå 1951, frå Statistisk sentralbyrå
- ↑ 6,0 6,1 Folkemengd i Kinn 1. januar kvart år frå 1951, frå Statistisk sentralbyrå