Fornyings-, administrasjons- og kyrkjedepartementet
Fornyings-, administrasjons- og kyrkjedepartementet (forkorta FAD) er eit norsk departement som vart formelt oppretta 1. januar 2006.
Departementet fekk ved opprettinga ansvaret for saksfeltet til det tidlegare Moderniseringsdepartementet, i tillegg til nordisk samarbeid. Departementet sitt hovudfokus er modernisering av offentleg sektor, konkurranse i næringslivet, kyrkje, minoriteter og IT. Departementet har eit samla ansvar for konkurransepolitikken, koordinering av Informasjonsteknologipolitikken for heile samfunnet, kyrkja, kongehuset, nasjonale minoriteter, leiarutvikling, organisasjonsutvikling og omstilling i statsforvaltinga, servicefunksjonar for departementsfellesskapet og statleg sektor generelt. Departementet har arbeidsgjevaransvar for statstilsette.
Innhaldsliste |
Historikk [endre]
Moderniseringsdepartementet vart oppretta den 1. oktober 2004. Arbeids- og administrasjonsdepartementet ogNærings- og handelsdepartementet hadde før dette ansvaret for saksområda.
Endring av departementet frå 1.1.2010 [endre]
Regjeringa Stoltenberg II har bestemt at kyrkjesakene skal flyttast frå Kultur- og kyrkjedepartementet til Fornyings- og administrasjonsdepartementet med verknad frå 1.1.2010. Namnet på departementet blir då Fornyings-, administrasjons- og kyrkjedepartementet.
Politisk leiing [endre]
Rigmor Aasrud frå Arbeidarpartiet er frå 20. oktober 2009 statsråd og sjef for departementet.
Nynorsk namngjeving av departementet [endre]
Dagen etter at eit oppslag på nynorsk.no (18.10.05) kritiserte namnet på «Fornyelsesdepartementet» for å ikkje vere nynorskvenleg, slo dåverande nyutnemnde fornyingsminister Heidi Grande Røys, som kjem frå Sogn og Fjordane, fast at namnet på departementet skulle vere fornyingsdepartementet uansett målføre. (Kjelde 1 og 2)
Bakgrunnsstoff [endre]
- Moderniseringsdepartementet, det komande Fornyings- og administrasjonsdepartementet
- Pressemelding om nye departementsnamn
Kjelder [endre]
- Nynorsk.no - Endra departementsnamn for å bli meir nynorskvenleg
- Nynorsk.no - Og namnet vart fornyingsdepartementet
