Frank Jenssen

Frå Wikipedia – det frie oppslagsverket
Frank Jenssen

Frank Jenssen
Foto: Kjetil Ree
Fødd11. august 1969 (54 år)
Levanger kommune
Statsborgar avNoreg
PartiHøgre
Yrkepolitikar, embetsmann, kommunikasjonsrådgiver
Utdanna vedNoregs teknisk-naturvitskaplege universitet
VervFylkesmann i Trøndelag 2018–
VervStortingsrepresentant 2013–2017
VervStatssekretær i Kommunal- og regionaldepartementet 20. oktober 2003–17. oktober 2005
VervLeiar av Sør-Trøndelag Høgre 2001–2008
FøregangarMichael Momyr
EtterfylgjarLinda Hofstad Helleland
Alle verv

Frank Josef Jenssen (fødd 11. august 1969 i Trondheim) er ein norsk tidlegare politikar for Høgre. Den 13. januar 2017 blei han utnemnd til fylkesmann i Trøndelag, som blei eit nytt fylkesmannembete 1. januar 2018 etter at Nord- og Sør-Trøndelag vart slått saman.[1]

Jenssen var innvald på Stortinget frå Sør-Trøndelag frå 2013 til 2017. Her han medlem i Kommunal- og forvaltingskomitéen.[2]

Han begynte sin politiske karriere som formann i Trondheim Unge Høgre 1990–1992, medlem av Unge Høgres sentralstyre 1992–1996 og 2. nestleiar i Unge Høgre 1994–1996.[3] Han var vidare valkampsekretær i Sør-Trøndelag Høgre, politisk sekretær for ordførar Marvin Wiseth, gruppesekretær for Oslo Høgres bystyregruppe samt informasjonssjef i Høgres Hovudorganisasjon framfor stortingsvalet 2001.[4] Jenssen var medlem av Trondheim bystyre i åra 1992–2003 og 2005–2008; kommunalråd og gruppeleiar 1998–2003 og 2005–2008 samt fungerande varaordførar 2001–2002.[5] Jenssen var forøvrig leiar i Trondheim Høgre 1997–2001, leiar i Sør-Trøndelag Høgre 2001–2008 samt statssekretær i Kommunal- og regionaldepartementet 2003–2005. I 2008 søkte han fritak frå sine politiske verv på grunn av manglande motivasjon.[6] Fire år seinare blei han nominert som Høgres 2. kandidat til Stortinget frå Sør-Trøndelag ved stortingsvalet 2013.[7][8]

Jenssen har studiekompetanse frå Adolf Øiens skole og mellomfag i statsvitskap og diverse samfunnsfag frå NTNU.[5] Han var dagleg leiar og seniorrådgjevar i Røe kommunikasjon 2008–2010, og blei i 2010 kommunikasjonsdirektør i Arbeidstilsynet.[9]

Kjelder[endre | endre wikiteksten]

  1. ↑ «Ny Fylkesmann i Trøndelag». Kommunal- og moderniseringsdepartementet. 13. januar 2017. Henta 23. juni 2017. 
  2. ↑ Biografi hjå Stortinget
  3. ↑ «Frank Jenssen». Høyre. Henta 16. september 2012. 
  4. ↑ «Frank Jenssen ny informasjonssjef». Norsk samfunnsvitenskapelig datatjeneste. Arkivert frå originalen 31. oktober 2013. Henta 16. september 2012. 
  5. ↑ 5,0 5,1 «Skifte av statssekretær i Kommunal- og regionaldepartementet». Statsministerens kontor. 17. oktober 2003. Henta 16. september 2012. 
  6. ↑ Rise, Mari By; Ellingsen, Lajla (7. februar 2008). «Høyre-topp trekker seg». Adresseavisen. Arkivert frå originalen 4. november 2013. Henta 16. september 2012. 
  7. ↑ Rise, Mari By (15. september 2012). «Frank Jenssen på vei til Stortinget». Adresseavisen. Henta 16. september 2012. 
  8. ↑ Tøhaug, Pia; Ramfjord, Ole Johan (13. oktober 2012). «Marvin Wiseth tilbake i politikken». NRK Trøndelag. Henta 15. oktober 2012. 
  9. ↑ «Pressemelding: Ny kommunikasjonsdirektør i Arbeidstilsynet». Arbeidstilsynet. 7. oktober 2010. Arkivert frå originalen 1. november 2013. Henta 16. september 2012. 
Henta frå «https://nn.wikipedia.org/w/index.php?title=Frank_Jenssen&oldid=3432114»