Frode Andresen

Frå Wikipedia – det frie oppslagsverket
Gå til: navigering, søk
Frode Andresen i 2008

Frode Andresen (fødd 9. september 1973) i Rotterdam i Nederland er ein norsk skiskyttar og langrennsløpar frå Hønefoss. Han vart verdsmeister i skiskyting i 2000, då han vann sprintøvinga under VM i Oslo. Fem år tidlegare var han med på det norske laget som lagkonkurransen under VM i skiskyting 1995, og i 2002 vart han olympisk meister i stafett med Noreg. I alt har han vunne tre gullmedaljar, tre sølvmedaljar og fire bronsemedaljar i dei store internasjonale meisterskapane. Han vann verdscupen i 1997/98-sesongen. Andresen er sambuar med den tidlegare skiskyttaren Gunn Margit Andreassen.

Aktiv[endre | endre wikiteksten]

Skiskyting[endre | endre wikiteksten]

Andresen vann junior-NM i sprint i 1991 og var frå 1994 på det norske elitelaget i skiskyting. Han vann si fyrste NM-medalje då han tok bronsen på 10 km i Orkdal. Året etter deltok han i sitt fyrste verdsmeisterskap og vart nummer ti på yndlingsdistansen 10 km. Han gjekk også den lite påakta lagtevlinga, der det vart norsk VM-gull. I 1996 vart han noregsmeister på 10 km, trass i at han måtte gå tre strafferundar. Same sesongen var han beste nordmann då han kom på femteplass i VM på same distansen.

Gjennom 1998-sesongen var Andresen den jamnaste og beste skiskyttaren i verda, og gjekk dermed til topps i verdscupen i skiskyting. Under vinter-OL i Nagano fekk han sølvmedaljen på 10 km, bak landsmannen Ole Einar Bjørndalen. I 1999 pådrog han seg to strafferundar på 10 km under VM i Kontiolahti, og måtte då nøye seg med bronsemedalje ettersom både verdsmeisteren Ludwig Gredler frå Austerrike og sølvvinnaren Patrick Favre skaut fulle hus. Han fekk ein ny bronse då han gjekk tredjeetappen for Noreg på stafetten.

Andresen opplevde høgdepunktet som idrettsmann då han vart verdsmeister på 10 km i Holmenkollen i 2000. Med ei strafferunde gjekk han i mål på tida 23.51,2, nok til å slå andremann Pavel Rostovtsev frå Russland, som skaut prikkfritt, med over ni sekundar. Seianre i meisterskapen gjekk Andresen den andre etappen for Noreg på stafetten, der det vart sølvmedalje etter Russland. Etter ein bronsemedalje på VM-staetten lukkast Noreg endeleg å vinne stafettgull under dei olympiske leikane i Salt Lake City. Halvard Hanevold, Frode Andresen, Egil Gjelland og ankermannen Ole Einar Bjørndalen syrgde for norsk siger, den fyrste i øvinga på 35 år.

Under vinterleikane i Torino i 2006 vann Andresen si siste OL-medalje. Han vart då nummer tre etter olympiameisteren Sven Fischer frå Tyskland og sin eigen landsmann Halvard Hanevold. Etter 2007 sleit Andresen med å hevde seg med mot verdseliten i skiskyting.

Frode Andresen i OL-løypa i 2002

Medaljar og besteplasseringar i internasjonale meisterskap[endre | endre wikiteksten]

  • VM 1995: Gull for lag, nr 10 på 10 km
  • VM 1996: Nr 5 på 10 km
  • VM 1997: Nr 14 på 10 km
  • OL 1998: Sølv på 10 km
  • VM 1999: Bronse på 10 km og stafetten, nr 6 på fellesstart
  • VM 2000: Gull på 10 km, sølv på stafett
  • VM 2001: Nr 8 på 10 km, bronse på stafett
  • VM 2002: Bronse på 15 km fellesstart
  • OL 2002: Gull på stafetten, nr 7 på 20 km og 8 på 10 km
  • VM 2003: Nr 6 på 10 km
  • VM 2004: Nr 10 på 10 km
  • OL 2006: Bronse på 10 km
  • VM 2007: Nr 4 på 20 km, nr 6 på fellesstart, sølv stafett, bronse mix-stafett

Medaljar og besteplasseringar i noregsmeisterskap[endre | endre wikiteksten]

  • 1994 i Orkdal: Bronsemedalje på 10 km
  • 1995 på Fet: Nr 5 på 20 km
  • 1996 på Brumunddal: Gullmedalje på 10 km
  • 1997 i Snåsa: Nr 7 på 10 km
  • 1998 på Dokka: Bronsemedalje på 10 km
  • 1999 i Tana: Sølvmedalje på 10 km
  • 2000 i Meråker: Sølvmedalje på 10 km
  • 2001 på Ål: Sølvmedalje på 10 km
  • 2002 på Nordfjordeid: Bronsemedalje på 10 km
  • 2003 i Tromsø: Nr 7 på 10 km
  • 2004 på Steinkjer: Nr 5 på 10 km
  • 2005 i Mo i Rana: Gullmedalje på 10 km
  • 2006 i Trondheim: Bronsemedalje på 10 km
  • 2007 i Folldal: Nr 6 på 10 km
  • 2008 på Stårheim: Gullmedalje på 20 km
  • 2009 på Vingrom: Nr 5 på 10 km

Langrenn[endre | endre wikiteksten]

Andresen har sin styrke som skiskyttar i langrennssporet, og har representert Noreg i verdscupen i langrenn. Han debuterte i verdenscupen i langrenn i finske Muonio i november 1998. Andresen har vunne både gull, sølv og bronse i NM-øvingar i langrenn. I 2003 slo dei to skiskyttarane Lars Berger og Frode Andresen resten av den norske langrennseliten på 30 km under NM i Molde og vann høvesvis gull og sølv. På den spesielle NM-femmila i 2009, som gjekk over fjellet til Røros, rykte Andresen frå ein anna skiveterane, Anders Aukland og sikra seg sin fyrtste og siste NM-tittel i langrenn. Andreasen har gått totalt seks indviduelle renn i verdenscupen i langrenn, der ein åttandeplass frå femmila i Holmenkollen 2008 er hans beste resultat.

Medaljar og besteplasseringar i noregsmeisterskap[endre | endre wikiteksten]

  • 2000: Bronsemedalje på 50 km på Vang
  • 2003: Sølvmedalje på 30 km i Molde
  • 2009: Gullmedalje på 50 km på Røros
  • 2010: Nr 6 på 15 i Stokke

Ymse[endre | endre wikiteksten]

Frode Andresen vart tildelt Egebergs Ærespris i 2009.

Kjelder[endre | endre wikiteksten]

  • Sportsboken, aktuelle årgangar