Froland kommune

Froland kommune
Komm.nr.	0919
Fylke	Aust-Agder
Adm.senter	Osedalen/Blakstad
Areal	642 km²
Folkemengd	5 264 (1. jan 2012)
Politikk
Ordførar (2007-)	Sigmund Pedersen (Sp)
Målform	Nøytral
Nettstad	www.froland.kommune.no
Folketalsutvikling 1951-2010
Froland kommune på Commons

Froland er ein kommune i Aust-Agder fylke. Kommunen grensar i nord mot Åmli, i nordaust mot Vegårdshei, i søraust og sør mot Arendal i sørvest mot Birkenes, og i vest mot Evje og Hornnes og Bygland.

Kommunen vart til ved samanslåing av tidlegare Froland og Mykland kommunar i 1967.

Historikk

Frolands verk vart grunnlagd som jernverk i 1763 og drive slik fram til 1867. Etter kvart tok skogsdrift og sagbruk over. I dag er hovudbygget frå 1791 freda, og den gamle stallen vert nytta som kultursenter.

Næringsliv

Energiselskapet Arendals fossekompani, grunnlagd 1896, driv tre kraftstasjonar i Froland og Åmli. Energiselskapet har hovudkontoret sitt på Bøylefoss i Froland.

Nelaug i Froland er fyrste stasjon på Arendalsbanen (tidlegare Nelaugbanen), som bind saman Sørlandsbanen og Arendal.

Kommunevåpenet vart godkjend i 1986. Det viser eit sylvfarga ekorn mot ein grøn bakgrunn. Grønfargen symboliserer skog og skogsdrift.

Kjende personar med tilknytting til Froland

• Niels Henrik Abel, matamatikar. Han døydde på Frolands verk i april 1829 og er gravlagd på Froland kyrkjegard.

Bakgrunnsstoff

• Arendalsbanen
• Arendals fossekompani
• Kommunefakta Aust-Agder frå Statistisk Sentralbyrå