Froskar
Froskar er slanke, vasslevande amfibium i ordenen halelause padder (Anura). Omgrepet er ikkje ei taksonomisk gruppe, men er ei polyfyletisk gruppe der padder ikkje er tekne med. Denne inndelinga gjev ei viss meining i europeisk samanheng, der ho omtrent samsvarer med familiane ekte froskar Ranidae og padder (Bufonidae). Utanfor Europa finst det derimot halelause padder som ikkje fell naturleg inn i denne grupperinga.
Den arten ein gjerne meiner når ein snakkar om «frosk» på norsk er buttsnutefrosk (Rana temporaria).[1] I Noreg finst det elles fire andre artar ein kallar froskar. Rana er ei biologisk slekt med ein del typiske froskar, medan familien ho høyrer til, Ranidae, blir kalla ekte froskar.
I Noreg er det registrert fire froskeartar:
- Buttsnutefrosk Rana temporaria
- Spissnutefrosk, Rana arvalis
- Damfrosk, Rana lesseonae
- Latterfrosk, Rana ridibunda[2]
Innhaldsliste |
Ordsoge [endre]
| Norske dialektnamn | |
|---|---|
| hoppetosse, hoppetuss(e), hoppetrausk (Jæren), mylapp | |
| Namn på andre språk | |
| Norrønt | froskr |
| Svensk | groda |
| Dansk | frø |
| Engelsk | frog |
| Tysk | Frosch |
| Fransk | grenouille |
| Spansk | rana |
«Frosk» kjem av norrønt froskr og har samanheng med ordet «frode» (bokmål «fråde»).[1] Ordet er i slekt med engelsk frog og tysk Frosch og kjem frå protogermansk *fruska-z med den urindoeuropeiske rota *preu- ('å hoppe, springe').[3]
Kjelder [endre]
- Denne artikkelen bygger på «Frosker» frå Wikipedia på bokmål, den 6. oktober 2010.
- Mylapp eller hopparlappe? ved Nynorsksenteret
Referansar [endre]
- ↑ 1,0 1,1 «frosk» i Nynorskordboka til Dokumentasjonsprosjektet.
- ↑ Latterleg frosk på Finnøy - aftenbladet.no (besøkt 14.nov 2008)
- ↑ frog ved Online Etymology
Bakgrunnsstoff [endre]
