Gabriel Rasch
| Gabriel Rasch | |
|
| |
| Statsborgarskap | Noreg |
| Fødd | 8. april 1976 (48 år) Hole |
| Idrett | landevegssykling |
| Tok del i |
Vuelta a España, Sommar-OL 2008, Europatouren i landevegssykling 2010, 2008–09 UCI Asia Tour |
.JPG)
Ole Gabriel «Gabba» Rasch (fødd 8. april 1976 i Hole kommune) er ein tidlegare norsk syklist.
Rasch vart noregsmeister i NM i landevegssykling i 2003, og nummer 2 i NM i 2001. I 2006 vann han Ringerike Grand Prix samanlagt, og i 2007 vann han ein etappe og samanlagt i Rhône-Alpes Isère Tour.
Den 2. august 2007 vart det kjent at han frå 2008-sesongen vart lagkamerat med Thor Hushovd i sykkellaget Crédit Agricole. Då Crédit Agricole vart lagd ned etter sesongen, fekk dei begge kontrakt med Cervélo TestTeam. Dette laget vart lagd ned før 2011-sesongen, men ein stor del av laget, både ryttarar og folk i hjelpeapparatet, blei innlemma i Garmin-Cervélo. I 2012 sykla Rasch for det franske laget FDJ-BigMat, før han blei lagkamerat med Edvald Boasson Hagen i Sky Procycling i 2013. Etter at han sykla sitt siste ritt som aktiv i Paris-Roubaix i april 2014, gjekk Rasch over i rollen som sportsdirektør i Sky.
Rasch har fem gonger tatt del i ein såkalla Grand Tour. Han sykla Vuelta a España (Spania rundt) i 2008 og 2009, og Giro d'Italia i 2010. I 2012 sykla han begge desse. Han deltok i landevegsrittet under OL i Beijing i 2008.
Lag[endre | endre wikiteksten]
- 2002: Team Krone
- 2003: Team Ringerike
- 2003: Team Fakta (trainee)
- 2005: Team Sparebanken Vest
- 2006: Team Maxbo Bianchi
- 2007: Team Maxbo Bianchi
- 2008: Crédit Agricole
- 2009: Cervélo TestTeam
- 2010: Cervélo TestTeam
- 2011: Garmin-Cervélo
- 2012: FDJ-BigMat
- 2013: Sky Procycling
- 2014: Team Sky (Som syklist fram til 13. april. Fortsette i laget som sportsdirektør etter dette.)
Kjelder[endre | endre wikiteksten]
- Gabriel Rasch – Profil hos Cycling Archives. Besøkt 26.09.2014.